CBS: Solamente 36% di poblacion na Corsou ta practica deporte

WILLEMSTAD – Mas di seis di cada diez habitante na Corsou no a practica ningun deporte den ultimo 12 luna, segun e Enkuesta Sosial 2025 di Centraal Bureau voor de Statistiek (CBS).

E informe ta revela cu solamente 36,1% di poblacion di 5 aña of mas a participa den algun actividad deportivo, mientras 63,9% no a practica ningun deporte.

E deportenan cu ta mas popular ta caminata, cu 11,5%, sigui pa fitness y zumba (6,3%), landa (5,5%), futbol (4,0%) y gimnastiek (3,2%). Baseball y softball a registra participacion relativamente abou, cu 1,9% y 1,5% respectivamente.

Segun CBS, e cifra nan por yuda gobierno y organizacionnan deportivo desaroya manehonan pa aumenta participacion den deporte.