WhatsApp ta domina uso di social media na Corsou

WILLEMSTAD – Mas cu tres cuart parti di poblacion di Corsou ta usa social media, y WhatsApp ta largamente e plataforma mas popular. Esaki ta sali for di e Enkuesta Sosial 2025 di Centraal Bureau voor de Statistiek (CBS).

E informe ta revela cu 77,4% di e entrevistadonan ta usa social media. Di esnan, 90,5% ta usa WhatsApp, sigui pa Facebook (78,1%), YouTube (57,5%), Instagram (38,5%) y TikTok (33,1%). Plataforma manera LinkedIn, X (Twitter) y Telegram ta keda hopi mas abou.

Mes momento, CBS a informa cu 83,6% di e casnan na Corsou tin conexion di internet na cas, y telefon celuar ta e aparato cu mas hende ta usa pa conecta cu internet.

E resultado nan ta confirma cu comunicacion digital y social media a bira parti integral di bida diario na Corsou.