Sarah-Quita Offringa ta logra su di 17 titulo consecutivo den freestyle

FUERTEVENTURA - Nos orguyo Sarah-Quita Offringa a logra un comeback impresionante pa retene su titulo mundial den freestyle windsurfing pa di 17 aña consecutivo.

Algun dia prome, e deportista Arubiano a cay venci contra Maaike Huvermann den e single elimination. Cu e victoria ey, Huvermann a bira e gran favorito pa conkista e titulo mundial.

Sinembargo, Sarah-Quita a bolbe mas fuerte den e double elimination. Den un demostracion di perseverancia y calidad, el a derrota Huvermann dos biaha consecutivo pa recupera e posicion di lider y asegura un otro titulo mundial.

Cu e resultado aki, Sarah-Quita ta prolonga su dominio extraordinario den freestyle y ta sigui pone nomber di Aruba halto den mundo di windsurfing.