Arubiano Chadwick Tromp ta subi roster di Orioles despues di lesion di Rutschman

BOSTON – E receptor Arubiano Chadwick Tromp a wordo yama bek pa Baltimore Orioles despues cu catcher titular Adley Rutschman a wordo poni riba e lista di lesion pa di tres biaha e temporada aki.

Rutschman ta sufri di un inflamacion den su man robes y lo no por hunga durante por lo menos diez dia. Esaki ta pone Orioles den un posicion dificil justo prome cu un serie importante contra Boston Red Sox.

Pa yena e luga habri, Baltimore a promove Tromp pa e roster activo di 26 hunga. E Arubiano tabata cu e equipo anteriormente entre 22 di juni y 3 di juli, unda el a hunga un solo wega, pero a impresiona cu dos hit den tres turno na bate y un RBI.

Orioles awor ta sigui cu tres receptor, incluyendo e prospecto Samuel Basallo, kende tambe ta recuperando di molestia na su schouder drechi, pero pa momento no a wordo poni riba e lista di lesion.

Pa Tromp, e convocatoria nobo ta representa un oportunidad pa sigui demostra su balor na Grandes Ligas mientras Orioles ta trata di mantene su bon momento durante un serie importante.