Traveler Safety Index: Aruba ta e isla mas sigur pa bishitante

ORANJESTAD – Aruba a ocupa e prome puesto den un ranking internacional di e 10 islanan mas sigur den mundo pa bishitantenan, cu un puntuacion di 98 riba e Traveler Safety Index.

Segun e publicacion, Aruba sobresali pa su infrastructura, ambiente trankil y e nivel hopi abou di criminalidad contra turista. E autor ta relata cu e la sinti seguro pa cana na Palm Beach ainda despues di anochi y destaca cu e isla ta situá pafor di e zona di horcan.

E lista ta basa riba evaluacionnan di bishitantenan combina cu dato di seguridad actual. Despues di Aruba, Cayman Islands, Anguilla, Malta y Bonaire ta completa e top cinco.