Wever: Inverti den hobennan ta fortalece economia di Aruba

ORANJESTAD – Minister di Finansa, Asuntonan Economico y Sector Primario Geoffrey Wever a enfatisa cu inversion den talento hoben ta esencial pa construccion di un economia mas fuerte y diversifica. Durante un bishita na Universidad di Aruba cu Staatssecretaris Eric van der Burg, e a conoce e participantenan di Kingdom Startup Program (KSP), un programa cu ta reuni studiantenan di Aruba, Corsou y Sint Maarten pa crea solucionnan innovador pa desafionan regional.

Segun Wever, e desaroyo di talento local, innovacion y comercio ta fundamental pa crea mas oportunidad economico y trabou den futuro. E programa ta promove cooperacion den Reino y ta prepara un siguiente generacion di lidernan y empresario cu por contribui na un economia moderno y sostenibel.