Argentina ta elimina Inglaterra y clasifica pa e final di mundial 2026

ATLANTA – Argentina a logra un victoria spectacular di 2-1 riba Inglaterra den semifinal di Copa Mundial, despues di marca dos gol den e ultimo minuutonan di e partido pa sigura su puesto den e gran final.

Despues di un prome tempo hopi iguala y sin gol, Inglaterra a habri e marcador na e 55 minuut. Declan Rice a inicia e hugada, Morgan Rogers a entrega e pase decisivo y Anthony Gordon a defini cu tranquilidad pa pone Inglaterra dilanti, 1-0.

Argentina a subi e presion inmediatamente y Jordan Pickford a converti su mes den un di e figuronan di Inglaterra cu varios paso importante riba intento di Julián Álvarez, Alexis Mac Allister y Nico González. Mac Allister tambe a pega un cabezaso contra e palo.

Ora holoshi tabata marcando 85 minuut, Argentina finalmente a haya e empate. Despues di un corner corto prepara pa Lionel Messi, Enzo Fernández a skop e bala for di pafo di e area y su disparo a drenta entre un cantidad di hungado pa laga Pickford sin opcion.

Cu e partido pa tempo extra, Argentina a sigui insisti y a logra e gol di victoria na e 90+2 minuut. Messi a recupera e bala, manda un centro perfecto den e area y Lautaro Martínez, kende a drenta como sustituto, a cabecea e bala pa e 2-1 definitivo.

Aunque Messi no a score, e tabata decisivo den e victoria argentino cu dos asistencia cu a cambia e resultado completamente.

Despues di mas di 12 minuut di tempo adicional, e arbitro a pita final di e partido, confirmando Argentina como finalista di Copa Mundial y pone fin na e soñonan di Inglaterra.

Resultado Final:

Inglaterra 1 – 2 Argentina