Polis a desmantela red grandi di fraude cu inversion

DEN HAAG  – Polis Hulandes a desmantela gran parti di un red criminal internacional cu tabata estafa inversionistanan y gana mas cu 100 miyon euro pa luna. E organizacion, activo desde 2021, tabatin alrededor di 700 empleado den 20 oficina na diferente pais.

E principal sospechoso, un homber di 46 aña, a wordo deteni na Polonia. Otro sospechosonan tambe a wordo aresta na Belgica, Cyprus y Grecia.

Segun Policia, e red tabata presenta su mes como consehero financiero pa gana confianza di e victimanan. Nan tabata mustra ganashi falso, pero e placa nunca tabata wordo inverti.

Autoridadnan ta calcula cu dies mil  di persona rond mundo a wordo estafa, cu un daño di aproximadamente 25 miyon euro solamente na Hulanda. Polis ta adverti pueblo pa no confia den companianan cu ta prome recupera placa perdi, paso hopi por ta parti di e mes red criminal.