Rotaract Aruba a instala directiva nobo pa 2026–2027

ORANJESTAD - Rotaract Club of Aruba a instala su directiva nobo pa e aña Rotario 2026–2027 oficialmente durante un ceremonia na Oranjestad. E evento a reconoce e trabou di e directiva saliente bou di liderazgo di Karel Arends y a entrega diferente premio na miembronan y proyectonan cu a distingui nan mes.

Entre e reconocementonan tabatin Project of the Year pa YOU, Inc. – Excel Professionally & Beyond, mientras cu Endrick Leon a ricibi e premio Member of the Year. Karel Arends a haya tambe e Outstanding Leadership Award pa su liderazgo durante e periodo 2024–2026.

Luisa Arcila, kende ta miembro di Rotaract desde 2022, a asumi e presidencia oficialmente. Su plan pa e aña nobo ta enfoca riba atrae mas miembro, amplia proyectonan comunitario, desaroya liderazgo entre hoben y promove conscientisacion y prevencion di obesidad infantil, den linea cu e tema internacional "Create Lasting Impact."