Rey Willem-Alexander lo celebra Koningsdag 2027 na Lelystad

DEN HAAG – Su Majestad Rey Willem-Alexander lo celebra Koningsdag 2027 riba diamars 27 di april na e ciudad di Lelystad, den provincia di Flevoland. E Rey lo asisti na e celebracion hunto cu miembro di e familia real, segun un anuncio oficial di Servicio di Informacion di Reino Hulandes.

E bishita ta tin un significado special, pasobra tanto Rey Willem-Alexander como Lelystad lo celebra nan 60 aniversario na 2027. E Rey, cu a nace na 1967, lo cumpli 60 aña, mientras Lelystad tambe ta marca 60 aña desde cu e prome habitantenan a establece nan mes den e ciudad.

Pa Flevoland, e ta un momento historico. Ta e prome biaha cu Rey Willem-Alexander lo celebra su cumpleaño den e provincia desde cu e la subi trono na 2013. Cu e bishita aki, Zeeland lo keda e unico provincia den Hulanda cu ainda e Rey no a bishita durante Koningsdag.

Autoridadnan di Lelystad a bisa cu preparacionnan pa e gran evento nacional lo cuminza inmediatamente. E ciudad kier pone enfasis riba su espiritu pionero, innovacion, diversidad y hospitalidad, mientras miles di bishitante y televidentenan lo sigui e celebracion na Hulanda y na exterior.