Gobierno lo controla prijs di Canasta Basico for di 15 di augustus

ORANJESTAD – Gobierno AVP-FUTURO lo introduci un sistema di supervision structural for di 15 di augustus 2026 pa garantisa cu supermercadonan y distribuidornan ta respetando e prijsnan maximo di e Canasta Basico.

Departamento di Asuntonan Economico, Comercio y Industria (DEACI) lo haci inspeccionnan rutinario y riba base di kehonan. Empresanan cu no ta cumpli cu e prijsnan estableci of cu no ta indica prijs claramente por enfrenta boetenan administrativo.

Segun Minister Geoffrey Wever, e medida ta busca proteha consumidor y fortalece poder di compra di famianan Arubiano, creando un mercado mas transparente y husto. Gobierno a indica cu e enfoke principal no ta castiga comerciante, sino garantisa cu e ley di prijs ta wordo cumpli pa beneficio di tur consumidor.