- Lopez (Cruz Cora Aruba): “Nos ta hiba esperanza na Venezuela y ta representa Aruba cu orguyo”
- Mike Eman: Voluntarionan di Aruba ta enfrenta un reto humanitario sin precedente”
- Venezuela ta haya apoyo di 24 pais; saldo di e desastre ta subi pa 1.430 morto
- CMO: Aruba a prepara un mision cu experto pa brinda yudansa efectivo na Venezuela
- Prome mision humanitario di Aruba a sali rumbo na Venezuela
- Lopez (Cruz Cora Aruba): “Nos ta hiba esperanza na Venezuela y ta representa Aruba cu orguyo”
- Mike Eman: Voluntarionan di Aruba ta enfrenta un reto humanitario sin precedente”
- Venezuela ta haya apoyo di 24 pais; saldo di e desastre ta subi pa 1.430 morto
- CMO: Aruba a prepara un mision cu experto pa brinda yudansa efectivo na Venezuela
- Prome mision humanitario di Aruba a sali rumbo na Venezuela
Conferencia di prensa mester clarifica desaroyonan nobo den caso fatal cerca di Renaissance Hotel
ORANJESTAD – E caso di e accidente fatal dilanti di Renaissance Hotel, unda dos peaton a perde nan bida na luna di januari, lo drenta un fase importante otro siman. Famia Lozano, huntu cu Massimo Consultant & Financial Services N.V., a invita medio di comunicacion pa un conferencia di prensa riba dialuna 29 di juni, unda lo wordo presenta un update riba e estado di e caso y e preparacion pa e audiencia programa pa dia 3 di juli.
Segun e invitacion oficial, un di e puntonan central lo ta e situacion legal di sospechoso Chania Fernandes-Pedra, kende actualmente ta sin representacion legal despues cu peticionnan pa incorpora un abogado cu experiencia den reconstruccion di accidentenan di trafico a wordo rechasa.
E caso a provoca hopi emocion den sociedad Arubiano desde e mainta di 5 di januari, ora un SUV preto a dal dos peaton riba L.G. Smith Boulevard, banda di Renaissance y Wind Creek Casino. E chauffeur posteriormente a laga e sitio di e accidente, pero polis a localisa e vehiculo y detene e sospechoso poco tempo despues. E dos victimanan, Josely Paulina Vásquez Gonzalez (65) y Carlos David Vialez Valerio (54), no a sobrebiba nan heridanan.
Durante e proceso judicial, Ministerio Publico a sostene cu e investigacion tabata exigi analisisnan forense, reconstruccion di e accidente y diferente informe experto prome cu e caso por wordo trata den contenido. Corte anteriormente a decide cu Fernandes-Pedra mester permanese den detencion preventivo. Segun Ministerio Publico, e sospechoso tabata conduciendo cu un velocidad cu pasa 100 kilometer pa ora, sin licencia valido y posiblemente bou di influencia di alcohol. E acusacionnan ey ainda mester wordo evalua durante e tratamiento di fondo di e caso.
Cu e audiencia di 3 di juli acercando, e cuestion si e sospechoso por conta cu representacion legal efectivo ta bira un tema central. Ta precisamente riba esey cu e conferencia di prensa di dialuna ta promete duna mas claridad.
.