- BCA ta alerta pa compania cu ta busca inversion den Aruba sin permiso legal
- Prensa di Ecuador ta reacciona duro: Corsou ta haci historia y La Tri ta keda contra muraya
- Medionan di Merca ta elogia actuacion historico di Eloy Room
- Rey Willem-Alexander a bishita seleccion di Corsou despues di wega contra Ecuador
- Abelardo de la Espriella a gana eleccion presidencial di Colombia
- BCA ta alerta pa compania cu ta busca inversion den Aruba sin permiso legal
- Prensa di Ecuador ta reacciona duro: Corsou ta haci historia y La Tri ta keda contra muraya
- Medionan di Merca ta elogia actuacion historico di Eloy Room
- Rey Willem-Alexander a bishita seleccion di Corsou despues di wega contra Ecuador
- Abelardo de la Espriella a gana eleccion presidencial di Colombia
BCA ta alerta pa compania cu ta busca inversion den Aruba sin permiso legal
ORANJESTAD – Banco Central di Aruba (BCA) a emiti un advertencia publico tocante un entidad cu ta opera bou di e nomber Oruba Capital Profitspoints, cu segun BCA ta busca atrae inversionnan den moneda virtual via social media sin tin e permiso obligatorio pa opera den Aruba.
MONEDA VIRTUAL
Segun BCA, e entidad ta intentando atrae inversionistanan den moneda virtual, pero no tin un permiso conforme e Landsverordening toezicht effectenverkeer (Ley Nacional di Supervision di Mercado di Efectonan Financiero). E ley aki regula supervision (toezicht) riba comercio y circulacion di efectonan financiero (effectenverkeer), manera accionnan, bono y otro instrumento di inversion.OPERACION ILLEGAL Banco Central a indica cu, door di ofrece e actividadnan aki sin e permiso requeri (vergunning), Oruba Capital Profitspoints ta opera ilegalmente den mercado financiero arubiano. Segun e autoridad monetario, esaki por constitui un echo castigabel (strafbaar feit) segun e legislacion vigente.
NO TRANSFERI PLACA NI MANDA MONEDA VIRTUAL
Den su comunicado, BCA ta advirti publico pa no transferi placa ni manda moneda virtual na e compania aki, ya cu e entidad ta dirigi su actividadnan riba mercado di Aruba sin autorizacion legal.
BCA ta enfatisa cu inversionistanan mester semper verifica si un entidad financiero tin e permiso apropiado prome cu inverti of transferi fondo. E banco central ta sigui monitoria e sector financiero pa proteha consumidor y mantene integridad di mercado. E advertencia oficial a wordo publica na 17 di juni 2026 y ta forma parti di e tarea continuo di BCA pa supervisa actividadnan financiero den Aruba y alerta publico tocante posible riesgo di fraude of actividadnan no autorisa.