Seleccion di Corsou a yega Corsou bek pa preparacion final rumbo Mundial 2026

WILLEMSTAD – Despues di completa un campo di entrenamento na Hulanda, e seleccion nacional di Curaçao a yega na Corsou ayera poco despues di 6'or di atardi. E ekipo a wordo ricibi na aeropuerto pa famianan, amigonan y simpatisantenan, entre nan familiar di hungadornan manera Riechedly Bazoer, Eloy Room y Ar'jany Martha.

E seleccion ta den e fase final di preparacion pa su debut historico den e 2026 FIFA World Cup, unda Corsou lo participa pa promé biaha den su historia. E equipo a clasifica despues di un campaña impresionante den eliminatorianan di CONCACAF y ta considera e pais mas chikito cu a logra clasifica pa un Mundial.

Awe entre 2'or y 3'or di atardi, fanaticonan lo tin oportunidad di conoce e hungadornan durante un "meet & greet" na The Fair Play Zone na Sambil. E actividad ta forma parti di e celebracion nacional alrededor di e participacion historico di Corsou den Mundial 2026.

Promé cu parti rumbo Merca, e seleccion lo hunga un ultimo partido amistoso contra Aruba riba 6 di juni na Stadion Ergilio Hato. E encuentro ta considera como e despedida oficial prome cu e aventura mundialista cuminsa.

Den Mundial 2026, Corsou lo enfrenta e reto di Grupo E, hunto cu Alemania, Ecuador y Ivory Coast. E ekipo ta lidera pa veterano entrenador Dick Advocaat, kende a hunga un papel clave den e clasificacion historico di e isla.

Cu entusiasmo creciendo tanto na Corsou como den otro isla di Caribe Hulandes, e "Blue Wave" ta cla pa intenta sorprende mundo futbolistico durante su promé participacion den e torneo mas prestigioso di futbol mundial.