Na Corsou, specialistanan medico ta exigi salario mas amplio cu loke gobierno Pisas kier duna

WILLEMSTAD – Specialistanan medico na Corsou ta insisti riba un maximo di entrada di 130 porciento di Landsverordening Normering Topinkomens (LNT). Asina Antilliaans Dagblad ta raporta.

Segun e corant, representantenan di sector medico kier haci uso di e espacio maximo cu ley ta permiti. Gabinete Pisas e siman aki a scoge conscientemente pa e norma mas abou di 110 porshento.

Cu esey, gobierno ta purba, segun nan mes palabra, di haya un balansa entre retene specialistanan y limita e critica social y politico riba salarionan halto den cuido medico.

CORSOU TA DESVIA DI SU PROPIO NORMA SALARIAL PA ATRAE SPECIALISTANAN

E discusion aki ta sosode den un contexto di escases di personal, lista di espera y competencia cu Hulanda y otro paisnan den region pa atrae y retene personal medico.

Gobierno ta sostene cu compensacionnan mas haltu ta necesario pa evita cu specialistanan laga Corsou y pa garantiza continuidad di cuido medico.

Na mes momento, e asunto ta politico sensitivo, pasobra originalmente LNT a wordo introduci como parti di reformanan y supervision financiero durante e periodo di coronavirus. Entrada mas haltu den sector di salud tambe ta choca cu discusionnan social mas amplio tocante poder di compra, pobresa y gasto di gobierno.