ARUCAMBA ta conquista mundo cu reggae independiente for di Aruba

ORANJESTAD - ARUCAMBA, un artista independiente residente na Aruba, ta logra exito internacional cu su musica Roots-Reggae produci for di su propio Backyard Studio. Paul, cu ya tin experiencia den industria musical hulandes desde añanan ’80, a traha cu famoso productor y artistanan y a logra varios hit den Hulanda.

Su cancionnan ya ta wordo toca den mas cu 22 pais, incluyendo Jamaica, Reino Uni, Merca y Africa.

Radio Augusta International na Africa Occidental a declara su cancion “NOT MY SYSTEM” como Powerplay oficial, mientras cu su single nobo “LEAVE ME TO LIVE (Natty Clouds)” lo ricibi promocion especial prome cu su lanzamiento oficial.

Segun ARUCAMBA, su exito ta bin completamente independiente, sin apoyo di industria musical tradicional.