Quota International of Aruba a celebra instalacion di su Directiva nobo pa 2026–2027

ORANJESTAD - Quota International of Aruba a celebra cu hopi orguyo e instalacion di su directiva nobo pa e periodo 2026–2027 durante un ceremonia cu a tuma luga dia 26 di april 2026 na Hilton Aruba Caribbean Resort & Casino. Hunto cu miembronan, famia, amistadnan y invitadonan distingui, e atardi a refleha e espirito di servicio, amistad y dedicacion cu ta guia e mision di e organisacion na Aruba. 

Na cabes di e organisacion pa e siguiente periodo ta e presidente nobo Farida Feliciana-Figaroa, hunto cu un directiva entusiasma y comprometi pa sigui cu e tradicion di servicio comunitario y impacto positivo di Quota.

E Directiva 2026–2027 ta consisti di:

* Farida Feliciana-Figaroa — Presidente

* Irlene Croes-Jansen — Vice-Presidente

* Vicky Arens Tjon-A-Tjoe — Secretaria

* Caresse Arends — Tesorera

* Ghislaine de Kort — Directora di Statuto

* Jo-Anne Croes — Directora di Desaroyo & Crecemento

* Mirugia de Cuba — Directora di Servicio