Cu acuerdo firma, Aruba ta mas cerca di “porta digital” pa Europa

ORANJESTAD – Gobierno di Aruba, junto cu KLM Royal Dutch Airlines, Royal Schiphol Group y Aruba Airport Authority, a firma un acuerdo importante pa fortalece conexion entre Aruba y Europa.

E acuerdo tin como meta crea un sistema di biahe mas rapido, sigur y completamente digitalisa entre Aruba y Hulanda, incluyendo investigacion pa eventual implementacion di un sistema di “EU pre-clearance” na Aruba. Esaki lo permiti cu biaheronan por completa parti di proceso di entrada pa Europa caba na Aruba mes.

Prome minister Mike Eman a bisa cu e iniciativa ta un paso grandi pa posiciona Aruba como un centro importante den aviacion internacional. E la compara e proyecto cu e exito anterior di pre-clearance pa Merca, cu tambe tabata considera dificil na pasado.

E acuerdo tambe ta enfoca riba innovacion tecnologico, incluyendo identidad digital pa biaheronan y sistema biometrico moderno, mientras cu un grupo di trabou conjunto lo analiza e aspecto tecnico, legal y financiero di e iniciativa.

Durante e firma, cu prome minister hulandes Rob Jetten presente como testigo, e partidonan a confirma nan compromiso pa sigui fortalece conectividad internacional y posiciona Aruba como un “Atlantic Digital Gateway” entre Europa y Caribe.