Carlos Vives a Lanza su video clip mas nobo cu a keda graba na Aruba

ORANJESTAD – E artista grandi di vallenato Carlos Vives,   a Lanza su video clip mas nobo 'Tuyo y nada mas' cu a keda graba  na Aruba. Durante su reciente bishita na Aruba,  Vives no solamente a duna un concierto  spectacular, pero tambe a usa e isla como escenario pa graba material audiovisual nobo cu awor ta wordo presenta na mundo.

Vives a participa como artista principal den e Vibra Latina Festival na Harbour Arena, unda e la canta durante casi dos ora y a conecta cu publico local y internacional . Durante e show, e cantante a invita e publico pa forma parti di grabacion di su video clip nobo, algo cu a crea un ambiente unico y participativo.

E proyecto audiovisual ta forma parti di su proximo album “El Último Disco”, y Aruba a wordo escogi como locacion principal pa su videoclip, danki na su paisahe unico cu ta combina playa, desierto y cultura caribeño . Segun Vives, e conexion cu Aruba ta natural, comparando e ambiente di e isla cu su propio region na Colombia.

Tambe a wordo confirma cu durante su estadia, e artista a graba diferente escena na varios lugar riba isla, compartiendo “postalnan di Aruba” y material  special cu a forma parti di e produccion final .

E iniciativa aki no solamente ta promove su musica, pero tambe ta posiciona Aruba como un destino internacional pa produccion audiovisual y turismo cultural.