Aruba Bank Walk & Run 2026: 20 aña di movimiento y comunidad

ORANJESTAD – E evento anual Walk & Run lo celebra su edicion numero 20 cu un programa di 4 dia, (dia 25, 26, 27 y 28 di mei 2026) unda participantenan lo core of cana un total di 20 kilometer rond di diferente districto di Aruba. Tema di e aña aki, “Evolving Together”, ta pone enfasis riba salud, progreso personal y conexion den comunidad. E evento a bira un tradicion importante, conoci pa su participacion masivo y ambiente positivo. Entre e novedadnan pa 2026 tin introduccion di pacers pa guia grupo, un categoria nobo pa participante di 65+ y opcion pa participa den team. Organisacion ta anticipa un gran interes pa e edicion especial aki, cu ta marca dos decada di actividad fisico y union den comunidad.