- Partido MEP kier ruenion cu minister Wever relaciona cu guera na Medio Oriente
- Un dia despues di a huramenta na Aruba, minister Mildred Schwengle a yega Hulanda
- ANALISIS: 40 aña despues: Status Aparte ainda ta un campo di bataya politico
- Presidente di CAFT ta invitado den programa Noticiacla LIVE awe nochi
- Parlamentonan di islanan CAS ta lanta comite riba conflicto den Reino hulandes
Pelotero di MLB, Jurickson Profar suspendi pa temporada 2026 pa uso di droga special
ATLANTA - Atlanta Braves su batiador designa yiu di Corsou Jurickson Profar ta enfrentando un suspension di 162 wega despues cu e la resulta positivo pa un droga cu ta mehora rendimiento pa di dos biaha den e ultimo aña, segun fuentenan a bisa ESPN diamars. Profar, 33 aña, ta e seis jugador cu a ricibi un suspension di 162 wega pa uso di PED desde cu Major League Baseball a aumenta e castigo pa reincidente pa un temporada completo den 2014. E lo perde henter su salario di 15 miyon dolar y no lo por participa den postemporada. Profar tambe no lo ta elegible pa e proximo World Baseball Classic, unda e tabata programa pa representa Hulanda, cu su team ta inclui jugador di su pais natal Corsou.
E perdida di Profar ta un golpe significativo pa e Braves, cu ya a perde pitcher titular Spencer Schwellenbach y Hurston Waldrep pa lesion di codo, mientras nan ta intenta recupera despues di un temporada di 76-86. E temporada 2025 a cuminsa malo tambe cu un suspension di 80 wega pa Profar dia 31 di mart pa human chorionic gonadotropin, un hormona normalmente produci durante embarazo cu por estimula produccion di testosterona.
Despues di e suspension ey, Profar a bisa den un deklaracion cu "ta pa motibo di mi profundo amor y respeto pa e deporte aki cu mi nunca lo hasi nada conscientemente pa trampa esaki." Den un declaracion na e momento ey, e Braves a bisa cu nan tabata "sorprendi y extremadamente desilusiona", pero cu nan "ta apoya e e programa completamenty ta spera cu Jurickson lo siña for di e experencia aki."
Atlanta a firma Profar na un kontrato di tres aña y 42 miyon dolar luna pasa despues cu e tabatin un aña di carera cu San Diego Padres. Su suspension a bin despues di e cuarto wega di e temporada y, despues di bolbe na inisio di juli, el a batea .245/.353/.434 cu 14 home run y 43 RBI mientras cu el a hunga left field.
Despues di un operacion di hernia deportivo durante offseason, Profar tabata spera pa cambia pa rol di DH y batea mas ariba den e alineacion di Braves, posiblemente na posision numero dos tras di ex MVP di National League Ronald Acuna Jr. Mientras Atlanta tin opcionnan suficiente pa yena su alineacion — e regreso eventual di catcher Sean Murphy lo permiti actual Rookie of the Year Drake Baldwin pasa algun tempo den un rol di batea so — e ausencia di Profar ta pone mas presion riba first baseman Matt Olson, third baseman Austin Riley, second baseman Ozzie Albies, center fielder Michael Harris II y agente libre Mike Yastrzemski pa produci.
Un biaha considera e prospecto numero uno den baseball, Profar a debuta cu 19 aña cu Texas y a pasa mas tempo riba lista di lesion cu riba campo durante su prome cinco temporada. Despues di pasa entre Oakland, San Diego y Colorado, el a bolbe na Padres den 2024 y a batea .280/.380/.459 cu record personal den home run (24) y RBI (85).
Suspensionnan pa PED den Major League Baseball a baha den añanan reciente, cu solamente dos aña pasa (Profar y relevista di Philadelphia Jose Alvarado) y cinco den e ultimo tres añanan. Agente libre Max Kepler a ricibi un suspension di 80 wega den januari pa un primera infraccion. E ultimo jugador cu a ricibi 162 wega tabata relevista di Milwaukee J.C. Mejia den setiembre 2023. El no a hunga baseball afiliado desde entonces. Otro hugador cu a ricibi 162 wega ta inklui Robinson Cano (2020), Francis Martes (2020), Marlon Byrd (2016) y Jenrry Mejia (2015), cu despues a resulta positivo pa di tres biaha y te ainda ta e unico jugador prohibi pa bida pa violacion di PED.
Profar tin un aña y 15 miyon dolar resta riba su contrato despues di e temporada aki.
Sindicato di hungadornan di MLB ta presenta reclamo pa suspension di Jurickson Profar
ATLANTA/WILLEMSTAD – E sindicato di hungadornan di Major League Baseball (MLB) a presenta un reclamo oficial na nomber di e hungador di Corsou, Jurickson Profar, contra e suspension di 162 wega cu el a ricibi despues di un test positivo pa substancia prohibi (PED). Segun periodista Ken Sugiura di e diario The Atlanta Journal-Constitution, un persona cu ta conoci cu e situacion a confirma cu MLB Players Association a dicidi di protesta e castigo oficialmente. E paso aki ta activa e proceso di revision, unda un arbitro independiente lo evalua si e suspension ta conforme cu e reglanan di liga.
MLB: Un fayo mas y lo suspende Jurickson Profar pa bida largo di baseball grandes ligas
NEW YORK – Si e pelotero profesional di baseball grandes ligas, e yiu di Corsou Jurickson Profar haya un otro test positivo pa PED’s den futuro, reglamento di MLB ta stipula cu e lo enfrenta un suspension di por bida. Manera cu Noticiacla a raporta ayera caba . MLB a anuncia suspension di 162 wega pa Jurickson Profar despues di test positivo pa testosterona.
Team di Reino Hulandes cu strellanan caribeño ta participa na World Baseball Classic
MIAMI/WILLEMSTAD/ORANJESTAD – E team di Reino di Hulanda ta participa cuminsa mañan den e World Baseball Classic, e torneo internacional di baseball mas grandi na mundo. E seleccion ta forma atrobe pa un parti importante di hungadornan cu tin raiz na Curaçao y Aruba, cu hunto cu hungadornan for di Hulanda europeo ta forma e team di e Reino.
Atleta di UFC Damian Pinas a bolbe Aruba despues di su victoria na Mexico
ORANJESTAD - Atleta Damian Pinas hunto cu su coach Joziro Boye a regresa Aruba despues di un pelea historico den e UFC na Mexico City. Na airport, famia, amigonan y prensa a bin saluda Damian. Presente tambe tabata minister di deporte Gerlien Croes y minister di turismo Wendrick Cicilia cu a bin encontra Pinas.
Entrenador di seleccion Corsou Dick Advocaat a retira per direct
WILLEMSTAD Entrenador di seleccion di futbol di Corsou, Dick Advocaat (78), a laga su funcion cu efecto inmediato debi na circunstancia familiar serio. Su yiu muhe ta gravemente malo, y e tecnico experimenta a dicidi di pone su atencion completo riba famia den e periodo dificil aki. Pa e seleccion nacional di Corsou, e noticia ta un golpi fuerte husto den preparacion pa Mundial 2026. Asistente entrenador Fred Rutten lo asumi e responsabilidad como entrenador y lo guia e equipo durante e torneo mundial e proximo verano.
Hulanda a presenta su seleccion pa World Baseball Classic sin Jonathan Schoop
AMSTERDAM – E seleccion di Hulanda pa e torneo di World Baseball Classic e aña aki cu ta tuma lugar na Miami, Tokio, Houston y Puerto Rico, entre 6 y 11 di maart 2026, ta conoci. Diahuebs anochi Hulanda a presenta su seleccion official. Notable ta cu a laga e yiu di Corsou Jonathan Schoop afo, y a inclui su ruman homber chikito Sharlon Schoop. Jonathan ta deteni ainda na Corsou y ta tende awe diabierna si su detencion relaciona cu tema di droga, ta keda prolonga. E tabata poni pa forma parti tambe di e seleccion.
Follow NoticiaCla
