Parlamento Venezolano ta presenta ley contra “pirateria”

CARACAS - Parlamento federal Venezolano, e Asamblea Nacional, a vota unanimamente pa un ley cu por impona te binti aña di prizon contra ken cu ta culpa di pirateria of bloqueo, of cu ta facilita esaki. Ministro di Exterior Yvn Gil a adverti e siman aki, na nomber di presidente Venezolano Nicolas Maduro, e paisnan den region contra loke e la yama creciente “agresion” Mericano. Merca a aumenta su presencia militar den e region considerablemente den e ultimo lunanan, specialmente riba laman. Den un carta di Maduro, e pais a acusa Merca di “pirateria”. Cu esaki ta referi na confiscacionan reciente cu Merca a haci di transporte di petroleo for di y pa Venezuela.

 Guarda Costa Mericano anteriormente e luna aki a confisca un tankero Venezolano di petroleo y a trata e fin di siman pasa pa detene dos otro bachi cu tin relacion cu Venezuela. Trump a ordena e siman pasa pa impona un “bloqueo total” riba bachi cu ta bay pa of cu ta bini for di Venezuela y cu ta bou di sancionnan impone pa Merca.