San Bartolome (St Barts) ta destino mas safe di Caribe y Aruba number 2

ORANJESTAD – E isla di San Bartolome (St Barths) a wordo nombra como destino mas sigur di Caribe y a yega na top di un clasificacion internacional nobo cu a evalua criminalidad, stabilidad politico, calidad di infrastructura sanitario y capacidad di respuesta den caso di emergencia. Segun un estudio di empresa Going, e isla ta sobresali pa su “seguridad exepcional” y nivel di delito mas bai di region, un diferenciacion cu ta pone e riba mas di otro destinonan visita den Caribe.

ANGUILA Y ARUBA

E segundo luga a bay pa  Anguila, cu su solidez institucional como Territorio Britanico di Ultramar, un fuerte presencia di servicio di emergencia bon equipa y un economia enfoca riba turismo ta consolida e como un di e destinonan mas confiabel den region. Aruba a completa e podio hunto cu Anguilla. Su ubicacion fo’i zona di horcan, entrenamento di forza di seguridad y un sistema di salu califica como “excelente” door di Going a mantene Aruba tambe den Nivel 1 segun Departamento di Turismo di Merca, mescos cu Anguila. E ranking a incluye ademas Cayman Islands, Barbados, Turcos y Caicos, Antigua y Barbuda, Dominica y Grenada, tur considera seguro segun parametro di Going.