Ley pa amplia eilandsraad y bestuurscollege di islanan BES ta bai pa Tweede Kamer

DEN HAAG - E propuesta di ley pa amplia eilandsraden y bestuurscolleges di Boneiru, Sint Eustatius y Saba ta bay pa Tweede Kamer. Den e conseho di minister ta aproba e propuesta aki di secretario di Estado Van Marum di Asunto Interno y Relacionnan Reino, despues di un conseho di Raad van State. Si e ley ta pasa, e cantidad di miembro di eilandsraad lo subi gradualmente durante e eleccionnan di 17 maart 2027. Boneiru lo haya dos miembro mas (di 9 pa 11), y Sint Eustatius y Saba lo pasa di 5 pa 7 miembro di eilandsraad. Tambe e cantidad di diputado lo crece: Boneiru di 3 pa 4, y Sint Eustatius y Saba di 2 pa 3. E aumento aki ta parti di revision di Wet op de openbare lichamen Bonaire, Sint Eustatius en Saba (WolBES) y a wordo acelera pa baha dilanti.

PA CRECE HUNTU CU E ISLA

Eilandsraden y bestuurscolleges ta ser amplia pasobra desde 2010 e cantidad di miembro no a wordo ahusta na e crecimiento di poblacion. Ademas, na Saba y Sint Eustatius tin menos representante y hende den gobierno cu den municipio den Hulanda cu mesun tamaño. E islanan mes a indica cu tin demasiado poco gedeputeerden pa e gran cantidad di trabou. Cu e ley nobo aki, e islanan lo haña mas forsa administrativo pa enfrenta desafionan importante.

SECRETARIO DI ESTADO VAN MARUM:

“Mi ta contento cu nos por manda e ley aki mas lihe pa Tweede Kamer. Cu e propuesta aki, nos ta fortalece democracia y tambe participacion di habitanten. Nos lo sigui duna apoyo na gobernantenan local y asina contribui na un mihor futuro pa habitantenan di Boneiru, Sint Eustatius y Saba.”