Fout di McLaren a pone su titulo di campeon mundial Formula 1 na peliger

QATAR - E lucha  pa campeonato mundial di Formula 1 a haya un plottwist nobo na Qatar diadomingo. Max Verstappen a gana su septimo carrera di aña despues di un fout strategico grandi di McLaren y a acerca na lider di WK Lando Norris, cu a caba solamente na di cuater lugar, cu ta nifica un separacion di apenas  diesdos punto entre nan dos pa e liderazgo.

Despues cu Oscar Piastri a mantene e liderazgo na comienso y Verstappen a tuma di dos lugar for di Norris, e safety car a sali den ronda septimo despues di un crash di Nico Hulkenberg. Tur e coredonan a haci un ‘pitstop pa cambia tire, menos McLaren.

Piastri y Norris a keda dilanti, pero nan tabata mester haci dos pitstop mas, mientras cu nan competidornan directo patras di nan tabata mester drenta solamente un bez mas. Verstappen a beneficia, a tuma victoria y a mantene su soño pa e di 5 titulo bibo.