Gobierno ta fortalece cooperacion cu Hulanda y enfoca riba futuro di refineria

DEN HAAG - Mike Eman, hunto cu Gerlien Croes y minister plenipotenciario Mildred Schwengle, a reuni cu secretario di estado hulandes Eric van der Burg pa fortalece cooperacion entre Aruba y Hulanda. Durante e reunion, gobierno a enfatisa importancia di sigui ehecuta acuerdonan y entendimentonan cu anterior gobierno hulandes y actual prome minister Rob Jetten. Un tema central tabata seguimiento di e Memorandum of Understanding (MoU) cu por habri mas cooperacion y oportunidad cu Europa.

Gobierno tambe a informa tocante siguiente fase di desaroyo di e area di refineria, unda Aruba lo traha cu specialistanan hulandes pa limpiesa, desmantelacion di structuranan industrial viejo y creacion di oportunidadnan economico sostenibel.

Segun Prome Minister Eman, meta ta transforma e area di refineria den un motor economico moderno pa futuro di Aruba y fortalece cooperacion constructivo dentro di Reino Hulandes.