Premier Jetten presente na premiere di documental WOW! Naturalesa como conexion di Reino

ORANJESTAD - Den presencia di Rob Jetten, ministro y diferente invitadonan, a tuma lugar e VIP-première di documental “WOW! Aruba” na Renaissance Convention Centre. E documental ta forma parti di proyecto multimedia WOW!, cu ta busca pa conecta e seis islanan Caribe di Reino Hulandes door di proteccion di naturalesa y conciencia ambiental.

Cofundador Bianca Peters a splica cu e iniciativa a nace cu e idea di uni e Reino door di amor comparti pa naturalesa. E proyecto ta inclui documentarionan, podcast, programa educativo y investigacion cientifico enfoca riba sostenibilidad y educacion.

Durante e evento, Robn Jetten, Alfonso Boekhoudt y Mike Eman a lansa e documental oficialmente. Jetten a enfatisa importancia di proteha biodiversidad y combati cambio climatico, mientras Eman a destaca cu naturalesa ta un elemento importante pa fortalece identidad, orgullo y conexion entre e paisnan di Reino.

E documental ta enfoca riba e beyesa y vulnerabilidad di ecosistema di Aruba y ta promove mas colaboracion, conciencia ambiental y comprension mutuo dentro di Reino Hulandes