Delegacion di Reino lo pone Aruba, Corsou y Sint Maarten riba agenda global di FMI y Banco Mundial

WASHINGTON – Un delegacion di Reino lo usa e proximo reunion di primavera di International Monetary Fund y World Bank na Washington pa yama atencion pa e desafio socioeconomico cu Aruba, Corsou y Sint Maarten ta enfrentando. Esaki a sali na cla for di un carta manda na Tweede Kamer. Segun minister di Financas di Hulanda, Eelco Heinen, e islanan tin cu bringa cu vulnerabilidadnan especifico, manera e impacto di cambio di clima y nan dependencia riba economia mundial. Como economia chikito y habri, nan ta mas sensibel pa shock externo. Gobierno hulandes ta enfatisa cu conseho di politica y apoyo tecnico di institucionnan internacional manera FMI y Banco Mundial por yuda fortalece resiliencia economico y desaroyo di e islanan. E reunion internacional ta wordo tene entre 13 te 18 di april, unda e tema di Caribe Hulandes lo haya atencion riba nivel global.