Ora di zomer a drenta na na vigor na Hulanda: Diferencia cu Aruba ta 6 ora

DEN HAAG – Na Nederland (Hulanda), anochi aki ora di berano a drenta na vigor. Na 02.00 di mainta, ora a wordo hala un ora pa dilanti, pasando pa 03.00. Esaki ta nifica cu atardi tin mas luz, pero hende ta drumi un ora menos. Diferencia di ora cu Aruba awor ta seis ora.

Ora di berano ta aplica na tur paisnan di e European Union (Union Europeo) y ta cuminsa tur aña den ultimo weekend di maart. Den otoño, ora lo wordo pone atras un ora atrobe y wintertijd lo drenta na vigor.

E sistema aki a wordo introduci den pasado cu meta pa spaar energia, pasobra tin mihor uso di luz natural durante dia. Sin embargo, den añanan reciente, e efectividad di e medida aki ta wordo pone na duda. Varios estudio ta indica cu e beneficio den ahorro di energia posiblemente no ta compensa e desventahanan, manera perturbacion di ritmo di sueño di hende.

E European Commission a propone na 2018 pa stop cu e cambio di ora dos biaha pa aña. E plan a haya apoyo di Parlamento Europeo, pero e paisnan miembro no a logra yega na un acuerdo. Pa e motibo ey, e sistema actual ta keda na vigor pa awor