Peterson: Aruba no ta haciendo suficiente pa proteha su naturalesa

Peterson: Aruba no ta haciendo suficiente pa proteha su naturalesa

Posted on 02/4/2026 11:44 am AST | Updated on 02/4/2026 11:44 am AST

ORANJESTAD – Aruba (lesa: Gobierno:red) no ta haciendo suficiente pa proteha su naturalesa. “Berdad, sigur cu si. Aruba no ta haciendo su best at all!” tabata reaccion di e presidente di Aruba Birdlife Conservation drs Greg Peterson diamars anochi den e programa Noticiacla LIVE. “Awe ainda!”. Asina e la contesta e moderador Tito Laclé. Segun Peterson, ni cu a nombra 22 area di proteccion den Parke Arikok, ni asina. “Nos ta leu leu foi cas”, Peterson a sigui bisa. Y parti di esaki, ta debi cu nos no ta enfocando riba educacion di nos muchanan riba naturalesa. 

CURICULO DI NATURALESA

Segun Peterson, ta crucial pa cuminsa esaki den enseñansa. “Nos no tin un curiculo di natuur di Aruba. E no ta existi. Muchanan di Aruba no ta ni haya les na un manera structura, tocante nos naturalesa”, e aficionado di naturalesa a sigui bisa. Y pa esun cu kier bisa cu nos a cuminsa sikiera cu nombracion di e 22 sitionan, Peterson ta bisa cu por bira e pensamento ey tambe. “ E ta voor de zoveelste keer cu mi ta tende cu nos tin di cuminsa somewhere. E problema ta (cu) den pasado nunca nos no a cuminsa. NOs a bisa cu nos ta haci algo, pero nos nunca a hacie”. 

E POSICION DI GOBIERNO

Peterson ta bisa tambe cu gobierno ‘nobo’ ta den funcion un aña. “Un aña gobierno tey. Nos no a mira nada di cu ley a cambia. Nada a wordo haci” Peterson a bisa. Riba esaki, Laclé a atende Peterson riba e echo cu gobierno a inicia cu e plan di reforestation, unda cu Peterson mes tabata presente y por a mir’e te hasta riba potretnan di gobierno. Pues dificil pa bisa cu gobierno no a haci nada. Laclé a puntra Peterson, si esey no ta un esfuerso di gobierno pa yuda naturalesa. Riba esaki, Petersona  dal bek bisando cu si gobierno ta realmente hopi serio den e Proyecto aki, tur NGO lo purba yuda. “Mi a bay wak, y a bay sostene. Pero e no ta un Proyecto cu ta andando full swing manera cu nos a pensa. Nos a duna sosten, pero no kier men cu nos a design e”, Peterson a dal bek. Ora cu a puntra Peterson si e ta desapunta di e loke e la wak y kere cu e lo bay ta, e la bisa ‘Si”. “No solamente esey. Nos lo tabata kier inspraak tambe pa cua tipo di mata”. Algo cu nan no a haya. E ta papia di e asina yama element di show. “Pero echt studia ki mata pa kico, nos no tabata involved”. Algo cu e ta kere cu si mester tabata e caso. 

MESTER PLANTA 100 MATA PA DIA PA LOGRA META

“E unico cos ta cu planta 100 mil mata, ta algo hopi grandi y hopi intensivo!” e la sigui bisa anteriormente. Segun Peterson, nan a laga gobierno y su consheronan sa cu pa logra e meta di reforestation manera cu nan a propaganda,  di planta 100 mil mata den 4 aña,  cu e ora mester planta por lo menos tur dia 100 mata, durante 4 aña pa logra e meta aki. Loke cu gobierno ta haciendo, ta politica simbolico.  

  • Powered by SETAR