Tankero Ruso ta bira bek despues di cruza ruta cu barco di guerra Mericano cerca di Venezuela

CARACAS – Un tanker Ruso sanciona cu petroleo a bira bek mientras cu e tabata na caminda pa Venezuela. E barco a bira bek despues cu un barco di guerra Mericano a cruza su ruta cerca di costa di e pais den Sur America. E barco Ruso, Seahorse, tabata na caminda pa Venezuela pa entrega un carga di combustible dia 13 di november, ora un barco torpedo Mericano (un tipo di barco di guerra especialisa pa lanza torpedo), USS Stockdale, a pone su mes riba e ruta di e barco. E barco Ruso a cambia su direccion y a bira caminda pa Cuba.

Seahorse a intenta yega Venezuela dos biaha despues di esaki, pero den tur dos momento e la bira bek y awor e ta para den Caribe. Intencionnan di e barco di guerra Mericano referente na e barco Ruso no ta cla, y un vocero di Southern Command Mericano a evita pa duna comentario, segun Bloomberg.

USS Stockdale a yega den Caribe final di september, hunto cu un dozena di otro barco di guerra, pa duna sosten na operacion anti droga di presidente Donald Trump den region.