Merca ta impone sanccionan contra Colombia como represaya pasobra a nenga ricibi deportanonan

WASHINGTON – Presidente Mericano Donald Trump diadomingo a impone sancionan contra Colombia, como represaya pasobra e presidente di Colombia Gustavo Petro a nenga por lo menos dos avion cu Colombianonan deporta di Merca, pa ateriza na e pais latino. E mandatario Colombiano a bisa cu tin cu trata e ciudadanonan Colombiano miho, y no transporta nan como criminalnan den un avion militar, sino avion comercial normal. Merca a cuminsa cu e deportacion di Colombianonan despues cu Trump a tuma mando bek como presidente y a cuminsa e promsa di core cu tur ilegal di e pais. 

NO TA PROCESA VISA MAS

Otro medida cu Merca a impone ta cu entrante dialuna consulado Colombiano no ta procesa visa mas pa Merca. Esaki ta impedi Colombianonan di biaha pa Merca e ora.