- Aruba ta conta riba crecemento modera den añanan cu ta bini
- Surnam mas cerca di mundial WK 2026 despues di un amplio victoria riba El Salvador
- Hulanda por perde Dumfries contra Polonia, Koeman: ‘Awe nochi lo mi tuma desicion’
- Corsou a ‘crush’ Bermuda 7-0 y ta un wega leu di bay Mundial Futbol 2026
- E portavion mas grandi di mundo cu 4 mil militar, ta cla pa actua den Caribe!
Partidonan UPP y MIA no a keda cla. Total di 11 partido ta bay eleccion na december!
ORANJESTAD – E ta oficial. Un total di 11 partido politico ta participa na eleccion parlamentario di dia 6 di December 2024. E partidonan politio Movemento Indigena Arubano y Union Patriotico Progresista (MIA y UPP) no a logra sigura nan 586 firma cada un, pa por a participa. E resultado final, despues di e update final di 8:30pm diamars anochi, a duna MIA 55 firma y UPP 89. Esey ta 531 y 497 menos cu nan tabatin mester, y asina no ta haya derecho pa participa na e eleccion.
Di e 8 partidonan cu a cuminsa cu e jornada aki un siman pasa, a keda 2 partido diamars mainta. E partidonan politico Movemento Indigena Arubano (MIA) y Union Patriotico Progresista (UPP) tabatin un dia mas (awe te 8:30pm) pa colecta 532 y 504 firma respectivamente, pa asina nan tambe por participa oficialmente na e eleccion parlamentario di dia 6 di December 2024. Nada no tabata imposibel, pero di e patronchi cu ambos partido a experencia desde siman pasa dialuna, e tabata mustra hopi improbable, cu nan logra esaki. Y esey a bira e caso tambe. Y cu esaki awor ta sigur cu un total di 11 partido lo participa oficialmente na e proximo eleccion.
E PROGRESO DI E PARTIDONAN TE AWOR
Manera ta conoci, e prome partidonan cu a logra nan cantidad tabata FUTURO y PPA, cu riba e prome dia caba, a yega 586 firma. Prome FUTURO, y despues PPA. A sigui partido LPR (Lucha pa Reforma) cu a logra esaki despues di 3 dia, sigui pa RED cu a logra ewaki den 4 dia. E siguiente dos partidonan a logra nan meta despues di 5 dia, cerando e prome siman, esta CURPA y despues tambe partido RED.
Parlamentario di AVP: ‘Bitcoin mining ta entre e posibilidadnan nobo pa ex-tereno di refineria’
ORANJESTAD – Durante e conferencia di prensa semanal di fraccion AVP, Parlamentario ing. Carlos Bermudez a subraya e importancia di e paso historico cu Aruba a tuma den e redestinacion di e tereno di refineria na San Nicolas.
Presupuesto di Aruba: Surplus di 150 miyon, pero deficit den inversionnan
ORANJESTAD – Aruba ta cera e presupuesto ahusta pa 2025 cu un saldo operacional positivo di mas o menos 150 miyon florin. Esaki ta resulta for di e cambio di presupuesto cu a wordo anuncia dia 7 di november. E ingreso corriente ta mas halto cu e gasto regular, loke ta mustra cu e presupuesto diario ta den balans.
Lider di RAIZ ta pidi investigacion riba 200 miyon florin pa refineria
ORANJESTAD – Lider di RAIZ, Ursell Arends, ta pidi un investigacion riba 200 miyon florin arubiano cu e gobierno a libera entre 2017 y 2024 pa e refineria den San Nicolas. E ex-vicepremier a haci su yama dialuna atardi durante e programa Enfoke.
Eman: Comunidad ta solidario cu damnificadonan na Jamaica
ORANJESTAD - Gobierno di Aruba ta gradici e comunidad cu a responde na e yamada, y a brinda sosten na e Jamaican Relief Donation Drive. Durante fin di siman Prome Minister mr. Mike Eman a asisti na YMCA San Nicolas, caminda e actividad tabata tumando luga.
Gobierno a reconoce artistanan Dhaddy y Tony como baluarte nacional
ORANJESTAD - Durante e recien concierto di Dhaddy Brokke y Tony Sherman como duo, den cual a presenta nan exitonan nostalgico cu pa decadas a zona den mayoria hogar den Antiyas Hulandes, Prome Minister mr. Mike Eman, den su capacidad como minister di cultura, a rindi homenahe na e duo aki.
Ministernan ta evalua si ta intensifica combatimento di droga den region
ORANJESTAD – Ministernan di husticia di Reino ta evalua si ta intensifica combatimento di droga den region. A recorda durante e ultimo Justitieel Vierlanden Overleg cu riba 6 di november 2024, durante e debati di comision tocante e cadenanan di husticia den parti Caribense di e Reino, un motie a ser presenta. E motie aki ta pidi e minister di husticia di Hulanda pa, huntu cu e JVO, traha hacia un plan pa combati e suministro di droga entre otro na Hulanda. “Mi a hiba e tema aki den combersa cu mi coleganan ministro. Hunto nos a dicidi pa cuminza cu un inventario di e cooperacion actual riba e tereno aki. Den e proceso aki lo ta mira tambe e transito di droga pa otro destinacionnan, cu atencion pa tanto e “upstream” como e “downstream disruption”.
Follow NoticiaCla
