Demanda O.M. di 26 aña prison pa Burney ‘Nini’ Fonseca

Demanda O.M. di 26 aña prison pa Burney ‘Nini’ Fonseca

Posted on 04/19/2017 5:55 pm AST | Updated on 04/19/2017 6:52 pm AST

WILLEMSTAD – Ministerio publico a demanda 26 aña di prison pa ‘Nini’ Fonseca awe tardi. Manera Noticiacla.com a raporta caba, awe, cuater aña despues di asesinato di Helmin Wiels, nos ta dilanti un fase nobo. E asesino, Elvis Kuwas, a keda mientrastanto condena, awor ta toca turno na e middleman: Burney ‘Nini’ Fonseca.

A HACI TUR COS PA TRECE BERDAD DILANTI

Segun OM, polis y Ministerio Publico a hasi tur cos den nan alcanse pa trece e berdad dilanti. Na nan opinion tin, a base di e dossier actual, suficiente prueba cu Fonseca a hasi su mes culpabel na co-responsabilidad of provocacion di asesinato, mata of laga mata Helmin Wiels. Esaki door di ehecuta un plan adelanta traha.  For di diferente declaracion di testigo, entre otro di e propio Kuwas, ta  sali na cla e rol di Fonseca segun OM. George Jamaloodin y Robbie dos Santos ta ser sospecha di a duna Fonseca e encargo pa busca un hende pa mata Wiels. Hunto cu Luigi ‘Pretu’ Florentina el a huur Kuwas pa mata Wiels. Fonseca y Florentina a fungi manera un ‘makelaar pa mata’ y a organiza e asesinato. Florentina a tene contacto cu e culpabelnan finalmente, Fonseca cu esnan cu a duna encargo. Fonseca tabata e homber grandi tras di pantaya cu un rol crucial .

EFECTO DI MATA WIELS

Door di mata Wiels a ranca un homber kerí for di su famia y for di e proceso democratico. Esey tabata e intencion tambe di Fonseca: comete un asesinato politico. Anto no door di comete esaki e mes, pero door di cobardia laga otro hende hasi e trabou. Kuwas tabata e pistol den man di Fonseca.

PERDE LIDER

Segun OM, no ta Pueblo Soberano so a perde su lider, pero tambe un lider ku tabata ser carga door di Corsou. Esun cu comete e hecho condenabel aki di likida un politico, merece di ricibi un castigo largo. Bala (municion) y violencia nunca no por tuma e luga di palabra den un democracia i un pais di estado di derechi.

CORSOU DEN SHOCK

Corsou, segun OM, te dia di awe te ainda ta di shock door di e asesinato, tambe pa motibo cu no a hiba tur responsabel ainda dilanti mesa berde. Fonseca ta nenga di duna cuenta y razon y ta nenga di duna claridad den e investigacion. Ku esaki e ta stroba e husticia cu Wiels, su famia y comunidad merece di haña. Fonseca a keda condena mas biaha, tambe despues di e hecho aki. Fonseca nunca no a mustra duele of duda moral ora el a ricibi e encargo of reparti e tareanan cu a conduci na asesinato di Wiels.

DEMANDA MAS HALTO

Ta pesey Ministerio Publico ta hasi un demanda mas halto cu ta posibel cu por pidi pa Fonseca: 26 aña. Mester desconta esaki for di e castigo di 4 aña cu el a ricibi recientemente. Neto ta nifica un demanda di 26 aña di prison. Ministerio Publico den e caso aki no ta yega na un demanda di bida largo pa motibo cu un castigo asina ta ser duna normalmente na momento di mas cu un morto of na momento di resediva di delito contra bida.

INVESTIGACION KEN A DUNA ENCARGO

E investigacion den e caso aki pa determina esnan cu a duna encargo ta continua. Bon investigacion ta un trabou delicado Y ta tuma su tempo. Mientrastanto a pidi Venezuela extradicion di Jamaloodin, tambe pa su envolvimento den asesinato di Wiels. Tin ainda suficiente posibilidad pa acumula prueba. Tanten cu esaki ta e caso, no ta stop e investigacion. Foto cortesia matutino Extra. 

  • Warda Costa a gara 20 Venezolano indocumenta cu a yega Corsou

    Warda Costa a gara 20 Venezolano indocumenta cu a yega Corsou

    WILLEMSTAD – Warda Costa di Caribe a gara 20 Venezolano indocumenta cu a caba yega parti sur Corsou diaranson marduga. Tabata den oranan di marduga cu un radar a detecta un lancha sospechoso. A manda un avion di Warda costa pa averigua. Dos miya pafo di costa di Fuikbaai a topa un lancha tipo yola cu hopi persona abordo. A manda polis mesora direccion Fuik, unda cu pa ora cu a yega, a topa cu e lancha. Ya esnan abordo a subi tera. A sigui un persecusion y a logra gara 20 persona indocumenta, tur Venezolano. Ta trata di 15 homber y 5 hende muher. Tur a keda deteni y entrega na polis. NOTA: Imagen ta di Warda Costa Caribe. 

  • CNSJ 2018 tin Grace Jones, Patti Labelle, Kc & The Sunshine band

    CNSJ 2018 tin Grace Jones, Patti Labelle, Kc & The Sunshine band

    WILLEMSTAD - Ku masha satisfakshon i ku gran plaser organisashon di Curacao North Sea Jazz Festival atrobe por anunsiá e nòmbernan nobo pa e di ocho edishon di e festival ku lo tuma lugá riba dianan 30 i 31 di oug?st?s i promé di sèptèmber di aña 2018. Riba djaweps 30 di oug?st?s Farruko a keda añadí na e programa difestival. Ademas di esei tambe Damian Marley i Grace Jones ta bini Kòrsou e aña aki. Den mesun rosea por anunsiá tambe ku tur konfiansa binida di Patti LaBelle, KC & The Sunshine Band, Kamasi Washington i Burt Bacharach.  

  • Aruba lo haya asistencia tecnico Hulandes pa ‘deal’ cu refugiadonan Venezolano

    Aruba lo haya asistencia tecnico Hulandes pa ‘deal’ cu refugiadonan Venezolano

    WILLEMSTAD/ORANJESTAD – Hulanda a bay di acuerdo pa asisti Aruba y Corsou cu ayudo tecnico pa e situacion di refugiado Venezolano. Asina prome minister di Aruba Evelyn Wever Croes a confirma pa NoticiaCla diahuebs anochi despues di su yegada for di Corsou, despues di a atende e reunion di Reino riba tereno di Relacionan Exterior. Aki minister Hulandes di relacionan exterior Stef Blok a duna e confirmacion. E ayudo menciona segun Wever, ta traduci den asistencia di e Immigratie & Naturalisatie Dienst (IND) di Hulanda, pero no mas cu esey. Corsou ta haya un asistencia extra financiero di 100 mil euro pa expande nan capacidad di detencion temporal pa refugiado Venezolano.

  • Curacao Ponton Festival 2018 a keda cancela

    Curacao Ponton Festival 2018 a keda cancela

    WILLEMSTAD – E Curacao Ponton festival 2018 cu mester a tuma lugar e fin di siman aki cu mas di 18 artista internacional incluyendo Jeon di Aruba, a keda cancela. Durante un conferencia di prensa awe mainta, e organisadornan a anuncia esaki. E motibo ta varios, unda cu entre otro tin artista cu no por a bin mas pa motibo tecnico, cantidad pober di persona interesa (200 carchi bendi), y e artista principal pa diabierna Rich Kalashh a keda deteni na Hulanda diaranson. Un di e artistanan cu tambe tabata poni pa presenta, tabata Jeon di Aruba. 

  • InselAir a bolbe fia placa pa su operacion

    InselAir a bolbe fia placa pa su operacion

    WILLEMSTAD – InselAir a fia placa na Postbank e siman aki. E corant Antiliaans Dagblad ta raporta cu e compania a fia e suma di 1.5 miyon florin pa por a haci un trabou grandi di mantenimiento riba su avion Fokker 50. Cu e placa e compania por expande su ‘backup’ tambe. E aerolinea tin un prestamo caba cu e tin cu paga bek, di 33 miyon florin cu el a haya fia di gobierno di Corsou.

  • Avionan Fokker 50 di InselAir bek den servicio despues di incidente

    Avionan Fokker 50 di InselAir bek den servicio despues di incidente

    WILLEMSTAD – E aerolinea InselAir a haya su dos avionan tipo Fokker 50 bek den servicio. Departamento di Aviacion Civil di Corsou a duna luz berde pa ‘unground’ e avionan aki, segun raportahe di e portal Curacao Chronicle. E portal ta cita confirmacion di minister di economia di Corsou Steven Martina. E avionnan tabata geground despues di un incidente ora cu un di e avionan a perde nan motor ora di ‘take off’. Potret cortesia plane pictures. 

  • Powered by SETAR