Lo pidi Corte persigui tur 5 polis pa morto Mitch Henriquez

Lo pidi Corte persigui tur 5 polis pa morto Mitch Henriquez

Posted on 03/9/2017 10:14 pm AST | Updated on 03/11/2017 3:03 pm AST

ORANJESTAD – Otro siman diaranson abogado di famia di Mitch Heriquez (dfm), Richard Korver lo pidi Corte obliga OM persigui tur 5 polis cu tabata envolvi cu su detencion, pa morto di Henriquez. E abogado ta na Aruba actualmente pa pone su mes na altura di e situacion local di su clientenan. Na cas di ruman di Mitch Henriquez, e abogado a papia cu NoticiaCla.com diahuebs atardi y splica cu e ta spera cu e informacion cu e acumula na Aruba, por yuda su caso proximamente na Hulanda otro siman. “Si mi no ta kere cu mi lo tin un caso, mi lo no a cuminsa mes cu e caso” Korver a sigura e portal aki diahuebs atardi.

SPECIALIDAD DI E ABOGADO

E abogado ta asesora famia di Mitch Henriquez y ta specialisa den procedura penal na Hulanda y specificamente pa famianan di victimanan di crimen. “Mi kier a mira unda Mitch Henriquez a biba, y mi ta aki riba invitacion di Parlamento di Aruba pa asina papia cu nan y otro gobernante, pa splica nan kico e situacion di e caso actualmente ta” Korver a bisa. Ela papia cu ruman mayo di e victima, a bishita e graf unda cu Mitch Henriquez ta dera, y awor tin un miho bista fuera di loke tin den e dossier. Ademas a papia tambe cu presidente di comision di husticia di parlamento, Desiree de Sousa Croes.

PROCEDURA ARTICULO 12

Korver mientrastanto a entama un caso basa riba articulo 12 na Hof, cu ta encera cu ta pidi Hof pa duna OM e orden pa no persigui solamente e dos agentenan policial cu nan ta persiguiendo, pero tambe tur e otronan (total di 5), y no persigui nan solamente pa maltrato, sino tambe pa laga e victima den un situacion teribel pa cual tin un castigo mas halto. “OM berdad a pone homicidio involuntario como cargo, pero a indica caba cu lo bay pidi vrijspraak pa esey. Algo cu mi ta haya remarcabel cu nan no ta pone e delito aki mientras cu e dossier ta yama pa algo asina”.

POSIBILIDAD DI EXITO PA E CASO

E suerte cu e caso aki tin segun e abogado, ta cu tin hopi material visual. “Tabatin hopi ciudadano cu a filma e detencion di sr Henriquez. Eynan bo ta mira polisnan sinta riba dje, mientras cu agentenan ta sigura cu nan no a sinta riba dje” Korver a bisa. Tambe declaracion cu e victima lo a bira malo den e bus, tampoco ta corecto, pasobra ta claramente visibel cu sr Henriquez a drenta e bus fuera di conocemento. Pues e declaracionnan segun e abogado, ta completamente incorecto di e polisnan. “Eynan bo mester persigui nan. Mi ta spera cu Hof lo compronde nos punto”. Lo mester tin motibo cu e otro polisnan no ta wordo persigui. E portal aki a puntra e abogado kico ta pone pensa cu e si por convence corte cu nan mester wordo persigui tambe. “Nos no a logra na OM pa nan a pone e cargo di homicidio involuntario y morto pa negligencia. Pesey nos ta bay Hues pa pidi hues duna OM orden pa haci esey”.

DIFERENCIA DI CULTURA?

E hecho cu Korver ta na Aruba ta lag’e conoce parti di e cultura den corto. E pregunta ta keda cu si ta considera e caso aki como uno basa riba discriminacion, den sentido cu si tabata trata un Hulandes Europeo, cu si cos a bay diferente. “Loke mi ta compronde ta cu Arubiano gusta haci chiste. Henriquez a haci un joke, garando na su parti intimo y haciendo como si fuera e tabatin un arma. Varios polis a compronde e parti ey tambe di e chiste, pero otronan no. Y eseynan a bula riba dje, bula riba dje cu tur consecuencia. Eynan por papia di un diferencia di interpretacion”. E abogado ta confirma cu por tin di haber cu Henriquez no tabata un Hulandes Europeo, cu a pone cu e cos a bay manera cu ela bay. Un polis di Aruba, cu tabata trahando, segun e abogado, a purba trankilisa e situacion, pero otronan a escala e situacion. No por papia di algo cu a bay simplemente robes. Un persona cu haci malo, por wordo deteni, mester wordo treci warda y scucha pa loke ela haci malo. Y no cu e mester wordo transporta cu ambulance y ta bin fayece despues, segun e abogado.

POLIS PERSIGUI HOPI

Abogado Korver ta admiti cu no ta sosode hopi cu polisnan na Hulanda ta wordo persigui. “Den e caso ey, e ta algo unico. Loke ta unico tambe ta cu e famia (di Henriquez) no por mira e polisnan, y no sa con e nombernan ta di e polis. Algo cu no ta normal segun Korver. “E ta straño cu esey no ta sosode. Y mas aun, e polisnan ta wordo completamente isola y proteha y no sa mes ken nan ta. Nan ta wordo identifica cu un ‘code’. “E ta algo cu mi clientenan tin hopi problema cu ne”.

  • HAVA y Vakgroep Urologie ta lamenta con campaña contra cancer di prostaat ta canando

    HAVA y Vakgroep Urologie ta lamenta con campaña contra cancer di prostaat ta canando

    ORANJESTAD – No ta tur hende ta di acuerdo, con e campaña pa check prostaat pa cancer ta canando. E siman aki asociacion di dokter di cas HAVA y e asina yama Vakgroep Urologie a reacciona riba e campaña aki. Segun e grupo den un comunicado, ta mustra, mientras cu nan ta contento cu e atencion pa cancer di prostaat, nan kier evita malcomprondemento y panico innecesario den comunidad. 

  • DVG: Pa un mucha por crece sano, e mester sinta menos y hunga mas.(Parti 2)

    DVG: Pa un mucha por crece sano, e mester sinta menos y hunga mas.(Parti 2)

    ORANJESTAD - “Mehora actividad fisico, reduci tempo no activo y garantisa bon calidad di drumimento cerca e muchanan chikito, lo mehora nan salud fisico, salud mental, nan bienestar y lo yuda na preveni obesidad infantil y e malesanan asocia mas dilanti den bida”, dr. Fiona Bull hefe di programa di vigilancia y poblacion basa riba prevencion di e malesanan no contagioso di WHO, ta bisa.

  • E alumnonan di Colegio Arubano a haya ‘gast college’ cerca VNO

    E alumnonan di Colegio Arubano a haya ‘gast college’ cerca VNO

    ORANJESTAD – Dos klas di Colegio Arubano diamars riba e dia di apertura di parlamento di Aruba, conoci como ‘Prinsjesdag’ a bishita representacion di Hulanda na Aruba (VNO) pa un ‘gast college’ riba e tema.  Un klas di HAVO4 y di VWO5 cu e material di ‘historia’ y ‘staats inrichting’ den nan pakete, a haya sa mas di e fecha importante aki, e nificacion di finanzas di gobierno, y Reino Hulandes. Invitado special tabata ex gobernador interino, Ella Tromp Yarzagaray. E alumnonan a haya como tarea pa bin cu idea con un cooperacion dentro di Reino Hulandes mester ta aki 20 aña, y presenta esaki na tanto ex gobernador interino como e reemplazante di e director di VNO, David Abrahams. Durante e presentacion, e alumnonan a laga sa cu nan ta haya Reino Hulandes importante, pero cu nan tin hopi idea pa cambio den structura y e manera di coopera cu otro. 

  • Servicio Meteorologico di Aruba cu alerta pa calor excesivo

    Servicio Meteorologico di Aruba cu alerta pa calor excesivo

    ORANJESTAD - Servicio Meteorologico di Aruba a emiti un alerta pa calor excesivo pa e proximo dianan. Esaki ta nifica un combinacion di temperatura halto (33 pa 36 grado celsius) y e porcentahenan generalmente halto di humedad (mas halto cu 70%) ademas di un biento zwak durante e proximo dianan cu lo pone cu e sensacion di calor lo por yega 38 pa 42 grado celsius.

  • Plataforma Aruba kier invita bo haci pregunta na Biblioteca Nacional

    Plataforma Aruba kier invita bo haci pregunta na Biblioteca Nacional

    ORANJESTAD - Arte visual contemporaneo ta nace for di e comunicacion entre un obra y su audiencia. E preguntanan cu esun cu ta wak ta haci su mes, ta un parti importante di e comunicacion. Esaki ta e enfoke di e evento Kico bo ta Wak? cu lo tuma luga diaranson 18 di september. Durante e anochi interactivo aki Plataforma Aruba kier crea un espacio, unda e audiencia por descubri e maneranan nobo di experiencia arte visual contemporaneo. E artistanan visual local; Osaira Muyale, Zoe Velvet Ramos y Irvin Aguilar lo comparti nan obra y vision di arte.

  • APA ta sigui conecta mundo cu Aruba

    APA ta sigui conecta mundo cu Aruba

    ORANJESTAD - Recientemente un delegacion di APA a participa den un conferencia internacional organisa pa Florida Caribbean Cruise Association (FCCA), un organisacion di cual Aruba ta un partner di basta aña den e meta pa sigui e ultimo desaroyonan cu tin den mundo di crucero. 

  • WCC3
  • Powered by SETAR