Cambio den constelacion di Parlamentonan no por stroba reunionnan di IPKO

Cambio den constelacion di Parlamentonan no por stroba reunionnan di IPKO

Posted on 01/10/2017 11:53 pm AST | Updated on 01/11/2017 12:29 am AST

WILLEMSTAD - Tin diferente cambionan den constelacion di varios Parlamento den Reino recientemente y esaki ta dynamismo di bida y cu cambionan ta welcome den bida. Pero e cambionan no por stroba e proceso continuo den e reunionnan di IPKO. Presidente di Parlamento, drs. Mervin Wyatt-Ras a informa, asina cu diamars e reunionnan di IPKO (interparlementair Overleg Koninkrijksrelaties) a inicia. E reunion aki entre e delegacionnan di Aruba, Corsou, Sint Maarten y Hulanda lo tuma lugar te cu dia 13 di januari. 

PROME DIA

Ariba e promer dia tabatin diferente discurso di e presidentenan di Parlamento di Corsou sra. Giselle Mc Williams, di St. Maarten sra. Sarah Wescott, di Hulanda sr. Jeroen Recourt y di Aruba Mervin Wyatt-Ras. Despues a trata diferente tema. 

Den su discurso, presidente di Parlamento id Aruba despues di gradici e delegacion di Corsou pa e bon recepcion y felicita e presisentenan di Parlamento di Corsou y di St. Maarten cu nan nombracion y tambe felicitacion di e constelacionnan nobo di Corsou y St. Maarten, a mustra ariba e hecho cu tin diferente cambionan den constelacion y cu esaki ta dynamismo di bida y cu cambionan ta welcome den bida. Pero cu cambinan no por stroba e proceso continuo den e reunionnan di IPKO. Ela indica cu nos lasonan den Reino ta depende di e contacto continuo entre representantenan di pueblo di e diferente paisnan den Reino. Sin embargo esaki mester ta structura. 

NO POSPONE IPKO

En bista di esaki e delegacion di Aruba a pensa pa no postpone IPKO manera anteriormente a ser treci padilanti dor di otro coleganan. Ta di importancia pa papia tocante diferente tema. Wyatt-Ras a expresa su deseo pa e delegacionnan por tin intercambio fructifero. Tur esaki a base di igualdad y respet mutuo y cu mester sirbi interes di Reino. Wyatt-Ras a gradici un y tur y desea su coleganan un siman informativo y productivo. Despues a trata diferente tema entre nan oportunidadnan economico den Reino, Presentacion di un proyecto di energia thermico, cambio di clima y energia. Ademas a trata e tema Reino ideal den 2040. Na final tabatin un presentacion y bishita na proyectonan di Waf. 

TOPICO PA PROXIMO DIANAN

Pa e otro dianan lo trata e siguiente topiconan: hobennan y hubentud, AOV/AOW hobennan, derecho di leynan iniciativa, prcedura pa Ley di Reino pa loke ta trata areglo pa disputanan y dubbele taaltoets, integridad di gobernacion, Corte Constitucional, salubridad publico pa despues haci un bishita na e Hospital nobo di Otrabanda. Diahuebs dia 12 lo tin un presentacion di y bishita na e proyecto Oostpunt.

  • Warda Costa a gara 20 Venezolano indocumenta cu a yega Corsou

    Warda Costa a gara 20 Venezolano indocumenta cu a yega Corsou

    WILLEMSTAD – Warda Costa di Caribe a gara 20 Venezolano indocumenta cu a caba yega parti sur Corsou diaranson marduga. Tabata den oranan di marduga cu un radar a detecta un lancha sospechoso. A manda un avion di Warda costa pa averigua. Dos miya pafo di costa di Fuikbaai a topa un lancha tipo yola cu hopi persona abordo. A manda polis mesora direccion Fuik, unda cu pa ora cu a yega, a topa cu e lancha. Ya esnan abordo a subi tera. A sigui un persecusion y a logra gara 20 persona indocumenta, tur Venezolano. Ta trata di 15 homber y 5 hende muher. Tur a keda deteni y entrega na polis. NOTA: Imagen ta di Warda Costa Caribe. 

  • CNSJ 2018 tin Grace Jones, Patti Labelle, Kc & The Sunshine band

    CNSJ 2018 tin Grace Jones, Patti Labelle, Kc & The Sunshine band

    WILLEMSTAD - Ku masha satisfakshon i ku gran plaser organisashon di Curacao North Sea Jazz Festival atrobe por anunsiá e nòmbernan nobo pa e di ocho edishon di e festival ku lo tuma lugá riba dianan 30 i 31 di oug?st?s i promé di sèptèmber di aña 2018. Riba djaweps 30 di oug?st?s Farruko a keda añadí na e programa difestival. Ademas di esei tambe Damian Marley i Grace Jones ta bini Kòrsou e aña aki. Den mesun rosea por anunsiá tambe ku tur konfiansa binida di Patti LaBelle, KC & The Sunshine Band, Kamasi Washington i Burt Bacharach.  

  • Aruba lo haya asistencia tecnico Hulandes pa ‘deal’ cu refugiadonan Venezolano

    Aruba lo haya asistencia tecnico Hulandes pa ‘deal’ cu refugiadonan Venezolano

    WILLEMSTAD/ORANJESTAD – Hulanda a bay di acuerdo pa asisti Aruba y Corsou cu ayudo tecnico pa e situacion di refugiado Venezolano. Asina prome minister di Aruba Evelyn Wever Croes a confirma pa NoticiaCla diahuebs anochi despues di su yegada for di Corsou, despues di a atende e reunion di Reino riba tereno di Relacionan Exterior. Aki minister Hulandes di relacionan exterior Stef Blok a duna e confirmacion. E ayudo menciona segun Wever, ta traduci den asistencia di e Immigratie & Naturalisatie Dienst (IND) di Hulanda, pero no mas cu esey. Corsou ta haya un asistencia extra financiero di 100 mil euro pa expande nan capacidad di detencion temporal pa refugiado Venezolano.

  • Curacao Ponton Festival 2018 a keda cancela

    Curacao Ponton Festival 2018 a keda cancela

    WILLEMSTAD – E Curacao Ponton festival 2018 cu mester a tuma lugar e fin di siman aki cu mas di 18 artista internacional incluyendo Jeon di Aruba, a keda cancela. Durante un conferencia di prensa awe mainta, e organisadornan a anuncia esaki. E motibo ta varios, unda cu entre otro tin artista cu no por a bin mas pa motibo tecnico, cantidad pober di persona interesa (200 carchi bendi), y e artista principal pa diabierna Rich Kalashh a keda deteni na Hulanda diaranson. Un di e artistanan cu tambe tabata poni pa presenta, tabata Jeon di Aruba. 

  • InselAir a bolbe fia placa pa su operacion

    InselAir a bolbe fia placa pa su operacion

    WILLEMSTAD – InselAir a fia placa na Postbank e siman aki. E corant Antiliaans Dagblad ta raporta cu e compania a fia e suma di 1.5 miyon florin pa por a haci un trabou grandi di mantenimiento riba su avion Fokker 50. Cu e placa e compania por expande su ‘backup’ tambe. E aerolinea tin un prestamo caba cu e tin cu paga bek, di 33 miyon florin cu el a haya fia di gobierno di Corsou.

  • Avionan Fokker 50 di InselAir bek den servicio despues di incidente

    Avionan Fokker 50 di InselAir bek den servicio despues di incidente

    WILLEMSTAD – E aerolinea InselAir a haya su dos avionan tipo Fokker 50 bek den servicio. Departamento di Aviacion Civil di Corsou a duna luz berde pa ‘unground’ e avionan aki, segun raportahe di e portal Curacao Chronicle. E portal ta cita confirmacion di minister di economia di Corsou Steven Martina. E avionnan tabata geground despues di un incidente ora cu un di e avionan a perde nan motor ora di ‘take off’. Potret cortesia plane pictures. 

  • Powered by SETAR