- Turista ta accidenta cu UTV na Black Stone beach y fayece
- Huez a trata caso di prohicion di e-steps riba caminda publico, den corte
- Crucero cu parada na Aruba a reporta mas di 110 caso di norovirus
- Homber a cancela biahe pa Aruba di ex socio y ta arresta pa robo di identidad
- Quota International of Aruba ta entrega donacion na fundacionnan local
Gobierno ta inicia restauracion edificio mas bieu di Aruba, Willem de III Toren
ORANJESTAD - Den un paso significativo pa preserva herencia historico di Aruba, Gobierno a anuncia oficialmente e inicio di restauracion di e iconico Willem de III Toren.
Durante e anuncio, Prome Minister Mike Eman a enfatisa e importancia di e compleho historico aki, señalando cu Fort Zoutman y e toren ta forma hunto un simbolo fundamental di historia di isla.
“Aunque hopi hende ta mira esaki como un solo structura, e fort tabata construi prome, y despues e toren a wordo agrega como parti integral di e compleho,” e Prome Minister a splica.
Fort Zoutman, e edificio mas antiguo di Aruba, a hunga un rol central den desaroyo di gobierno di nos isla, sirbiendo den su momento como sede pa diferente funcionnan gubernamental, incluyendo aduana, inmigracion y hasta actividad parlamentario.
Segun e Prome Minister, e restauracion lo wordo ehecuta cu respet total pa e balor historico di e edificio, uzando material original, colornan autentico y diseño fiel na su estado original.
“Preservacion di patrimonio no ta simplemente renoba un edificio, pero mantene bibo e historia y identidad di nos pueblo,” Eman a indica.
E proyecto lo wordo ehecuta den diferente fase. Inicialmente, e trabou lo enfoca riba mantencion completo di e toren, cu lo tuma algun luna, sigui pa restauracion di murayanan y structuranan rond di e compleho.
E iniciativa aki ta forma parti di un plan mas amplio pa restaura y preserva monumentonan importante riba nos isla, incluyendo proyecto futuro manera Beatrix School y posibel reconocemento di Juliana School como monumento.
Gobierno a destaca e rol esencial di Monumentenbureau Aruba, kende cu su conocemento y experticio ta guia e proceso pa sigura cu e autenticidad historico di e sitio ta wordo conserva.
Ademas, e proyecto ta crea oportunidad pa participacion di companianan local, fortaleciendo inversion y actividad economico den sector di restauracion.
Premier Mike Eman den representacion di Reino Hulandes a reuni cu presidente electo di Costa Rica,
SAN JOSE - Prome Minister Mike Eman ta na Costa Rica pa representa Reino Hulandes durante e ceremonia oficial di instalacion di presidente electo Laura Fernández Delgado.
Wyatt-Ras: Aruba ta fortalece servicio di revalidacion y cuido di apoyo
ORANJESTAD - Directie Volksgezondheid (DVG), den colaboracion cu Pan American Health Organization (PAHO/WHO), a organiza un workshop nacional enfoca riba fortalecemento di revalidacion y medionan di apoyo na Aruba.
Wever: Voorjaarsnota 2026 ta enfoca riba proteha economia y poder di compra
ORANJESTAD - Minister di Finansa Geoffrey Wever a entrega e Voorjaarsnota 2026 na Parlamento, incluyendo e prome cambio di presupuesto pa 2026.
PPA ta pidi inversion urgente den EPB: “Beroepsonderwijs no por keda atras”
ORANJESTAD - Durante un bishita na EPB Hato, parlamentario Eduard Pieters a haci un yamada urgente pa mas inversion den beroepsonderwijs na Aruba. Segun dje, Aruba no por papia di crecemento economico mientras scolnan practico manera EPB ta sigui deteriora.
Gobierno ta warda sentencia den caso di e-step mientras Dowers ta para firme
ORANJESTAD - E debate riba e uso di electric bicycle, e-step y e-scooter riba camindanan publico ta drentra den un fase decisivo,awor cu gobierno y operadonan comercial ta warda cu atencion e sentencia di corte den e caso sumario cu lo wordo trata diabierna 8 di mei proximo. Asina e mandatario di husticia Arthur Dowers a informa diahuebs.
MEP ta pone restauracion di Fort Zoutman den contexto historico: “No ta un proyecto politico!’
ORANJESTAD - Despues cu e siman aki gobierno di Mike Eman a anuncia oficialmente e inicio di restauracion di Fort Zoutman y e Willem III Toren como parti di revitalisacion di centro di Oranjestad, parlamentario Xiomara Maduro di MEP a sali dilanti pa pone, segun nan, “e echo den contexto corecto”.
Follow NoticiaCla
