- Peaton ta bira di 5 morto di trafico pa 2026
- Rotonde di Noord awor ta carga e nomber “Rotonde Ovito Tromp”
- Iran: Estrecho di Hormuz ta habri pa nabegacion comercial
- Sybrand Buma di CDA ta vicepresidente nobo di Raad van State
- Stephany Sevinger riba sentencia di su tata Benny : “E ta un dolor cu mi no ta desea pa niun hende”
Formador Jetten kier forma gabinete rapido y kier ta riba e bordes riba 23 di februari
DEN HAAG - Formador Rob Jetten a bisa na comienzo di su prome dia di trabou cu e ambicion ta pa forma un gabinete nobo mas rapido posibel. Tocante e declaracion di lider di VVD, Yesilgoz, riba su partidario Heinen, Jetten a bisa cu ta logico cu e di dos partido mas grandi ta entrega e minister di Financien. Segun un regla no skibi cu ta wordo sigui hopi biaha durante formacionnan, e partido mas grandi na mesa ta entrega e prome minister, mientras cu e segundo partido (VVD den e caso aki) ta haya e puesto importante aki.
Jetten lo tuma prome su encargo oficial for di presidente di Tweede Kamer, Van Campen. E ke haci e proceso rapido, cu e meta cu e gabinete por wordo huramenta riba 23 di februari, un fecha cu ja tabata nota den agenda pa algun tempo.
E formador a declara cu e ta busca ministernan “sin un ego demasiado grandi”, personanan cu ta dispuesto pa duna otro partidonan algo y cu ta compronde cu colaboracion cu e oposicion ta indispensable.
Como reaccion riba e debate di ayera, Jetten a bisa cu despues di forma su gabinete e kier yega lihe na acuerdo cu doñonan di trabou y trahadornan, y cu e oposicion lo wordo inclui den e proceso. E acuerdo di coalicion a topa critica fuerte casi immediatamente. Specialmente riba e plan pa subi e edad di AOW, e debate tabata duro, segun Jetten mes a reconoce.
E prome minister designa a bisa cu apesar di tur esaki, el a tende “puntonan positivo” cu por sirbi como base pa sigi traha. E gabinete minoritario tin solamente 66 asiento den Tweede Kamer, asina cu lo mester constantemente busca sosten di partidonan di oposicion.
Sybrand Buma di CDA ta vicepresidente nobo di Raad van State
DEN HAAG - Sybrand Buma lo bira e vicepresidente nobo di Raad van State. Esaki a wordo anuncia pa Rob Jetten durante su conferencia di prensa seminal diabierna. Buma lo sigui Thom de Graaf, kende lo laga su puesto e aña aki. Raad van State ta e organo cu ta duna conseho na gobierno y Parlamento. Tambe e ta e huez administrativo mas halto di pais. Segun Constitucion, Rey ta e presidente, pero vicepresidente ta encarga cu maneho diario. Buma (60) awor ta ainda alcalde di Leeuwarden. E tabata lider di fraccion di CDA den Tweede Kamer entre 2010 y 2019. Durante formacion di gobierno mas recien, Buma a actua como informador.
Gobierno hulandes teme pasashi di avion mas caro si nan bende parti den trafico aereo Caribe
DEN HAAG – Gobierno di Hulanda ta teme cu pasashi di avion pa e parti caribeño di Reino lo bira mas caro si Hulanda bende su parti den proveedor di servicio di trafico aereo DC-ANSP. P’esei, gabinete a dicidi pa keda accionista pa awor, segun cu minister di Infraestructura y Awa a comunica na Tweede Kamer. Motibo pa esaki ta un evaluacion di interes di estado, unda a conclui cu tin accionista no ta estrictamente necesario pa proteha interes publico. Segun investigadornan, seguridad di trafico aereo ya ta bon regula via regla internacional y supervision, p’esei influencia adicional via accionista en principio no ta necesario. DC-ANSP ta encarga cu guia di trafico aereo ariba entre otro Curaçao y Bonaire. Hulanda ta posee desde reforma estatal di 2010 un parti di 7,95 porshento. Evaluacion ta indica cu no tin impedimento legal ni practico pa bende e parti aki na otro accionistanan, Curaçao y Sint Maarten. Tambe ta sali na cla cu influencia di Hulanda ta limita: cu un parti minoritario, Den Haag no por forsa decision decisivo.
Pieters (PPA) na Den Haag: Autonomia di Aruba no ta negociabel, HOFA ta amenaza Status Aparte
ORANJESTAD/ DEN HAAG - Fraccion di PPA a biaha pa Hulanda pa un serie di reunionnan strategico na Den Haag, cu meta principal pa defende e Status Aparte di Aruba y discuti e propuesta di Rijkswet HOFA.
Debatenan den Tweede Kamer na Hulanda suspendi pa welga di ambtenaarnan
DEN HAAG - Tur debate y actividad den Tweede Kamer lo wordo cancela diaranson pa motibo di un welga di funcionario publico. Presidente di Tweede Kamer, Thom van Campen, a indica cu lo no tin suficiente personal pa mantene e camara funcionando.
Hulanda a permiti autonan Tesla core ‘nan so’ riba caminda
DEN HAAG - Funcionan nobo di auto di Tesla pa conduci automaticamente a ricibi aprobacion di RDW pa uso riba caminda publico na Hulanda. Esaki ta nifica cu chauffeurnan por guia sin tene man riba stuurwiel, algo cu ta un novum den Europa y cu expertonan ta yama un paso importante pero delicado.
Pareha Real ta cuminsa biahe hopi discuti na Merca, cu estadia serca Trump den Casa Blanco
WASHINGTON - Tabatin hopi discusion riba esaki den talkshow-nan, carta di lector den corantnan, y hasta un peticion pa no sigui cu e plan: E estadia di rey Willem-Alexander y reina Máxima den Casa Blanco. Diadomingo atardi e pareja Real lo yega na Philadelphia, unda nan bishita di tres dia na Estados Unidos lo cuminsa oficialmente mañan. Mañan anochi nan ta bishita di presidente Donald Trump.
Follow NoticiaCla
