- Peaton ta bira di 5 morto di trafico pa 2026
- Rotonde di Noord awor ta carga e nomber “Rotonde Ovito Tromp”
- Iran: Estrecho di Hormuz ta habri pa nabegacion comercial
- Sybrand Buma di CDA ta vicepresidente nobo di Raad van State
- Stephany Sevinger riba sentencia di su tata Benny : “E ta un dolor cu mi no ta desea pa niun hende”
KLM ta cancela 80 buelo diabierna riba Schiphol pa motibo di sneeuw y ijs
SCHIPHOL - Weer di invierno ta causa cu diabierna hopi buelo a wordo cancela na aeropuerto Schiphol. KLM a anuncia cu e la cancela preventivamente 80 buelo cu ta sali y yega na e aeropuerto, pasobra anochi ta spera mal weer. Especialmente buelo pa destino Europeo, unda hopi biahe ta sali tur dia, lo no tuma luga. Tur siman aki hopi cientos di buelo a wordo cancela na Schiphol. Pasobra e condicionnan di weer diahuebs tabata relativamente bon, KLM a logra opera casi tur buelo e dia ey. Pero diabierna esaki lo no posibel. KLM ta referi specificamente na e prognosticonan pa anochi. Pa resto di e dia, KLM ta bisa cu e situacion “por awor ta mira bon”. Mester bisa mesora cu e 2 buelonan pa awe pa Aruba, ta sigui normal.
MAS CLARIDAD
“Dor di cancela buelo desde awor, nos ta duna claridad na nos pasaheronan na tempo y evita cu un buelo mester wordo cancela ultimo momento,” segun e aerolinea a bisa diahuebs atardi. “Nos ta hasi nos maximo esfuezo pa rebook pasaheronan na e prome buelo cu tin asiento disponible.” Segun Schiphol, tin casi 1.200 buelo programa pa diabierna, y algun benta buelo ta cancela. Diahuebs tabatin 1.055 buelo cu a sali y yega na Schiphol.
CAUSA DI FALLA DI CORRIENTE CONOCE
Despues di varios dia cu hopi sneeuw, demanda di corriente tabata mas halto cu cu tabata spera. Esaki a causa un interrupcion cortico dia diahuebs mainta. Schiphol tambe a bisa cu diahuebs cerca di 169.000 pasahero a pasa door di aeropuerto, mas cu tabata programa. Un parti di maletanan cu tabata perdi a wordo procesa tambe.
Sybrand Buma di CDA ta vicepresidente nobo di Raad van State
DEN HAAG - Sybrand Buma lo bira e vicepresidente nobo di Raad van State. Esaki a wordo anuncia pa Rob Jetten durante su conferencia di prensa seminal diabierna. Buma lo sigui Thom de Graaf, kende lo laga su puesto e aña aki. Raad van State ta e organo cu ta duna conseho na gobierno y Parlamento. Tambe e ta e huez administrativo mas halto di pais. Segun Constitucion, Rey ta e presidente, pero vicepresidente ta encarga cu maneho diario. Buma (60) awor ta ainda alcalde di Leeuwarden. E tabata lider di fraccion di CDA den Tweede Kamer entre 2010 y 2019. Durante formacion di gobierno mas recien, Buma a actua como informador.
Gobierno hulandes teme pasashi di avion mas caro si nan bende parti den trafico aereo Caribe
DEN HAAG – Gobierno di Hulanda ta teme cu pasashi di avion pa e parti caribeño di Reino lo bira mas caro si Hulanda bende su parti den proveedor di servicio di trafico aereo DC-ANSP. P’esei, gabinete a dicidi pa keda accionista pa awor, segun cu minister di Infraestructura y Awa a comunica na Tweede Kamer. Motibo pa esaki ta un evaluacion di interes di estado, unda a conclui cu tin accionista no ta estrictamente necesario pa proteha interes publico. Segun investigadornan, seguridad di trafico aereo ya ta bon regula via regla internacional y supervision, p’esei influencia adicional via accionista en principio no ta necesario. DC-ANSP ta encarga cu guia di trafico aereo ariba entre otro Curaçao y Bonaire. Hulanda ta posee desde reforma estatal di 2010 un parti di 7,95 porshento. Evaluacion ta indica cu no tin impedimento legal ni practico pa bende e parti aki na otro accionistanan, Curaçao y Sint Maarten. Tambe ta sali na cla cu influencia di Hulanda ta limita: cu un parti minoritario, Den Haag no por forsa decision decisivo.
Pieters (PPA) na Den Haag: Autonomia di Aruba no ta negociabel, HOFA ta amenaza Status Aparte
ORANJESTAD/ DEN HAAG - Fraccion di PPA a biaha pa Hulanda pa un serie di reunionnan strategico na Den Haag, cu meta principal pa defende e Status Aparte di Aruba y discuti e propuesta di Rijkswet HOFA.
Debatenan den Tweede Kamer na Hulanda suspendi pa welga di ambtenaarnan
DEN HAAG - Tur debate y actividad den Tweede Kamer lo wordo cancela diaranson pa motibo di un welga di funcionario publico. Presidente di Tweede Kamer, Thom van Campen, a indica cu lo no tin suficiente personal pa mantene e camara funcionando.
Hulanda a permiti autonan Tesla core ‘nan so’ riba caminda
DEN HAAG - Funcionan nobo di auto di Tesla pa conduci automaticamente a ricibi aprobacion di RDW pa uso riba caminda publico na Hulanda. Esaki ta nifica cu chauffeurnan por guia sin tene man riba stuurwiel, algo cu ta un novum den Europa y cu expertonan ta yama un paso importante pero delicado.
Pareha Real ta cuminsa biahe hopi discuti na Merca, cu estadia serca Trump den Casa Blanco
WASHINGTON - Tabatin hopi discusion riba esaki den talkshow-nan, carta di lector den corantnan, y hasta un peticion pa no sigui cu e plan: E estadia di rey Willem-Alexander y reina Máxima den Casa Blanco. Diadomingo atardi e pareja Real lo yega na Philadelphia, unda nan bishita di tres dia na Estados Unidos lo cuminsa oficialmente mañan. Mañan anochi nan ta bishita di presidente Donald Trump.
Follow NoticiaCla
