Trump a cancela un di dos ola di atake contra Venezuela pa motibo di cooperacion cu Merca

WASHINGTON – Cada bez mas pais ta haci conoci cu nan a ricibi un invitacion di presidente mericano Donald Trump pa drenta den su conseho di paz. Entre e paisnan invita tin Australia, Canada, Francia y Reino Unido, pero tambe Paraguay, Chipre, Albania, y inclusive Rusia y Belarus. E reaccionnan ta varia: tin pais cu ta mustra entusiasmo, mientras otro nan ta responde di un manera mas reserva.

BRUSELAS - Despues di varios siman di palabra amenazante di presidente mericano Donald Trump, parse cu e pasenshi di Union Europeo a caba. E 27 paisnan miembro a presenta ayera un pakete di medida cu ta suma 93 miyon euro, despues cu Trump a anuncia durante e weekend impuesto di importacion pa ocho paisnan europeo cu ta participa na un mision di Groenland.

WASHINGTON - E presidente mericano Trump ta impone un impuesto di importacion di 10 procent riba Hulanda y otro paisnan Europeo pa tur mercancia cu ta exporta pa Merca. El a anuncia esaki riba su plataforma di social media Truth Social. Banda di Hulanda, e medida ta aplica tambe pa Dinamarca, Noruega, Suecia, Francia, Alemania, Reino Unido y Finlandia.

WASHINGTON - Ora lider oposicion di Venezuela Maria Corina Machado a drenta den Cas Blanco diahuebs, e tabata trece un regalo cu presidente di Merca Donald Trump tabata desea hopi tempu: un Premio Nobel di Paz. Machado, un critico fuerte di ex-lider Nicolas Maduro, a gana e premio aña pasa pa su campaña pa mas democracia. Awor e la trece e medaya na Cas Blanco sperando cu e gesto por cumpra algo hopi mas balioso: Apoyo di Merca den su lucha pa tuma mando di Venezuela despues di Maduro. Pero si e tabata pensa cu e regalo lo a empuha e presidente pa duna un apoyo mas claro, ta parse cu e lo mester warda — pa awor.

WASHINGTON - Presidente di Merca, Donald Trump, y lider opositor di Venezuela y Premio Nobel di Paz, Maria Corina Machado, lo tene un almuerzo awe diahuebs 15 di januari na Cas  Blanco pa papia tocante situacion den Venezuela despues di captura di Nicolas Maduro. Segun agenda oficial di Machado, Trump lo ricibi e lider opositor pa 12'or di merdia y almuerzo lo ta pa 12:30, ora di Washington, den un comedor priva  den Cas Blanco, cu porta  cera sin prensa presente. Despues di almuerzo tin programa pa un encuentro cu senadoranan pa  3’or di atardi. E reunion ei, cu ta e prome entre nan dos, ta tuma luga casi dos siman despues cu Merca a kita Maduro di poder durante un atake na Venezuela dia 3 di januari, caminda tanto Maduro como su esposa Cilia Flores a wordo  transporta pa New York pa wordo juzga pa narcotrafico.

BOGOTA - Presidente di Colombia, Gustavo Petro, a bisa cu e  lo reuni cu su homologo Mericano, Donald Trump, na Merca dia 3 di februari, mientras cu tension diplomatico entre nan ta bahando. Trump y Petro tabata tene confrontacion verbal duro aña pasa, y tension a subi despues di atake Mericano riba Venezuela dia 3 di januari, cu Trump mes a manda  menaza di posibel accion militar den Colombia. Simana pasa, ambos a baha tono despues di un yamada telefonico, den cua nan a acorda pa maneha e situacion sin conflicto. Petro a bisa diahuebs cu su bishita “lo ta dia 3 di februari”, durante un encuentro televisa cu su ministronan. “Nos lo mira kico e reunion ta trece”, segun e mandatario di linea izquierdista. Den nan prome conversacion bilateral, nan a compromete pa traha hunto contra narcotrafico den Colombia, particularmente contra ELN, un grupo guerrillero cu ta opera na frontera cu Venezuela.