- CEO nobo di aeropuerto Reina Beatrix a cuminsa traha oficialmente
- Zoetrum (CTB): Interes di Aruba pa Festival di Tumba Corsou ta sigui grandi pa 2026
- Pensamento di minister Wever ta cu economia di Aruba ta drenta 2026 cu fundamento fuerte
- Aruba a otorga casi mil permiso di construccion na 2025
- Analisis: Transporte na Aruba: e pregunta no ta Uber, sino con
Formacion pa un gabinete nobo hulandes a cuminsa
DEN HAAG - Cu e nombracion di Wouter Koolmees como verkenner, e formacion di un gobierno nobo por oficialmente cuminsa. A keda acorda cu Koolmees lo cuminsa pronto y den un siman mester pone den mapa e opcionnan pa forma un gabinete nobo. Tur partido ta insisti riba un verificacion rapido, pero e deseo di contenido di e partidonan no ta den un mes linea.
Esaki ta pone cu e kuminsamento di e formacion no ta facil pa nada. Aunke asina, Koolmees — cu despues di anochi lo papia cu prensa — a bisa cu e tin “hopi gana” pa cuminsa.
Koolmees a wordo nombra pa D66, e partido mas grandi, y tur fraccion a acepta e como verkenner. Presidente di Kamer, Bosma, a elogia e hefe di NS “cu nos ta preste un rato” pa su largo experiencia como ex-minister y ex-informador.
Segun Bosma, Koolmees tin e distancia husto pa trata cu politica. E verkenner mester move lihe, pasobra riba 11 di november e mester entrega su raport.
Dia despues, e nobo Tweede Kamer lo wordo instala, y riba 13 di november e Kamer por hasi debate tokante e resultado di eleccion.
Pa awor e partidonan ta parse cada un ke un cos diferente, pero no ta exclui cu tin algun estrategia di negociacion atras di esaki.
Bom ta explota den PVV: fraccion ta rebeldia contra e lider Geert Wilders
HULANDA – Un crisis interno serio a surgi den PVV despues di un rebelion contra lider Geert Wilders. Siete miembro di Parlamento a anuncia cu nan ta separa for di e fraccion. Segun nan, Wilders ta actua demasiado autoritario, a maneha e campana malo, y nan ta critica su curso politico pa no colabora cu e gabinete minoritario.
Lidernan politico Hulandes Jetten y Bontenbal y Yesilgoz ta condena Merca
ORANJESTAD - Lider di D66 Rob Jetten y lider di CDA Henri Bontenbal ta uni den nan condena di e tarifa di comercio cu Merca ta kier impone riba un cantidad di paisnan europeo pa motibo di Groenland. Esaki nan a laga mira promé cu nan conversacionnan serca e informador awe.
Cuater persona herida na incendio den centro di Utrecht despues di explosion
UTRECHT - Den centro di Utrecht na Hulanda, un incendio grandi a surgi den un cas na Visscherssteeg despues cu a tende minimo dos explosion. Segun Seguridad Region Utrecht, cu ta papia di un “explosion gigantesco”, tin cuater persona herida. Rond di 15.30 ora, servicio di emergencia a ricibi hopi yamada tocante explosion, y tur ekipo di rescate a sali pa e lugá. E caya Springweg y Mariaplaats den cercania a wordo cera.
Gustave Nouel , e famoso 'street-artist' di Deventer/Aruba
DEVENTER - Ta e unico artista reconosi di Deventer cu NABK (Asociacion Nacional di Artistanan Visual} a invita pa su Arte participa gratis den e Buki Nacional di Artista di 2026. Riba pagina 130, GN ta comparti un foto di su "Homenaje na Rembrandt Intemporal", un pintura di tamaño natural cu ta mustra su persona riba un beach den 'paraiso' (Aruba?), teniendo un "pintura contemporaneo cu materia", casi abstracto, inspira pa un zelfportret intemporal di Rembrandt. Den region GN ta realisa frecuentemente su performance ODA NA REMBRANDT—algo cu e tabata hasi hopi den su juventud— como "street-artist", pero awor hunto cu alumnonan di DAK (deventeramateurkunstenaars.nl). Por ehempel como invitado di fundacion "Kunst en Cultuur aan de IJssel" (Arte y Cultura na IJssel) y na Apeldoorn, como invitado di galeria ArtFra. Na Deventer, GN ta disfruta comparti su experiencia cu artistanan interesa. Desde siglo pasa, GN a duna workshops di sketch y pinta portret riba caya y tambe duna performance ODA NA REMBRANDT, tanto nacional- como internacionalmente, .
Subsidio di Nederlands Letterenfonds pa promovedor di lesamento
AMSTERDAM – Nederlands Letterenfonds ta pone subsidio disponibel pa organisacionan cu ta desaroya proyecto pa stimula lesamento. Peticionnan por wordo hinca te diabierna 20 februari. E programa ta wordo oferci pa motibo cu lesa ta bahando den nivel, algo cu ta crea un problema social pasobra lesa ta esencial pa participacion den sociedad, desaroyo personal y pa forma pensament critic.
Rey Willem-Alexander: ‘Hulanda y Corsou lo yega leu na Mundial’
AMSTERDAM - Durante su discurso na recepcion di aña nobo den Palacio Real na Amsterdam, Rey Willem-Alexander a bisa e.o. cu e ta confia cu Hulanda y Corsou lo yega leu den Mundial di futbol e aña aki.
Follow NoticiaCla
