- Aruba ta conta riba crecemento modera den añanan cu ta bini
- Surnam mas cerca di mundial WK 2026 despues di un amplio victoria riba El Salvador
- Hulanda por perde Dumfries contra Polonia, Koeman: ‘Awe nochi lo mi tuma desicion’
- Corsou a ‘crush’ Bermuda 7-0 y ta un wega leu di bay Mundial Futbol 2026
- E portavion mas grandi di mundo cu 4 mil militar, ta cla pa actua den Caribe!
Dos cara hoben nobo den seleccion di futbol di Corsou
WILLEMSTAD – Ayer entrenador di e seleccion di futbol di Corsou, Dick Advocaat a presenta dos cara nobo riba e lista definitivo di e seleccion. Ta trata di Deveron Fonville y Jordi Paulina.
Pa loke ta trata di Fonville, ta un defensa pia robes cu por hunga tanto manera defensa banda como defensa central. For di september e defensa di 22 aña tabata riba lista di Advocaat, pero na e momento ey e no por a bini paso e tabata completando un traspaso di FC Dordrecht pa NEC Nijmegen. Mientrastanto den october e tabata regresando for di lesion.
Mientrastanto, Paulina ta bin reforsa e liña ofensivo di seleccion di Corsou. Ta un delantero di apenas 21 aña cu ta milita den Borussia Dortmund II (U-23 di Dortmund). Ta un hungador cu por hunga manera centro delantero, pero tambe por hunga riba banda. Aña pasa Jordi a haci su debut cu Borussia Dortmund.
Paulina tabatin un racha di tres wega sigui ta anota pa Borussia Dortmund II.
Dick Advocaat a bisa ku tanto Fonville como Paulina lo ta hungador cu tin balor awor y den futuro pa seleccion, mirando cu ta trata di dos hungador hoben y cu talento.
Na Corsou Parlamento kier fiha posicion y relevancia di Statuut den Reino
WILLEMSTAD – Tur Fraccion den Parlamento, esta MFK, PNP, PAR y MAN-PIN, a pidi un reunion publico pa deliberacion cu gobierno di Corsou riba su punto di bista tocante e conseho di Raad van State di oktober 2024, relaciona cu e 70 aña di Statuut di Reino. Segun e Fraccionnan, basando riba e deliberacion aki, Parlamento tambe mester fiha un posicion riba futuro di Reino.
Conocido comediante yiu di Corsou Jandino ta emigra bek pa su isla
DEN HAAG - E management di e conocido comediante yiu di Corsou Jandino Asporaat a anuncia awe den un comunicado di prensa cu e comediante y empresario ta emigra cu su famia pa Corsou. E regreso su na Caribe no ta un despedida di Hulanda, sino un acto di amor: pa inverti den e hende, e cultura y e futuro di e islanan. “Esaki no ta un salida, sino un ampliacion,” segun Jandino. E lo sigui haci shownan y presentacionnan na Hulanda, pero tambe kier construi oportunidadnan nobo y conexion den region Caribe.
Kabel nobo subteraneo di laman lo soluciona vulnerabilidad digital di Corsou
ORANJESTAD – E conexion di Corsou cu e cablenan di laman Arubiano CELIA ta mas cu solamente un desicion politico riba infrastructura digital. Detras di e peticion manda na Staten tin un operacion compleho cu mester sigura e futuro digital di e isla, leu for di e posicion di monopolio cu compania di telecomunicacion Flow/LLA tin actualmente.
Corsou tambe ta ricibi 125 miyon florin di Hulanda pa drecha su red di corriente
WILLEMSTAD – Hulanda lo duna Corsou 62,9 miyon euro (cu ta mas o menos Cg 125 miyon florin) pa drecha su red di corriente. Esaki a ser anuncia pa e prome minister di Hulanda, Dick Schoof, durante un rueda di prensa na Corsou. Schoof dia 7 y 8 di november a bishita Corsou y despues Aruba. Na Corsou e a combersa cu prome minister Gilmar ‘Pik’ Pisas, y na Aruba cu prome minister Mike Eman. Hulanda lo duna Aruba 54 miyon euro (cu ta mas o menos 108 miyon florin Arubano). Pa Sint Maarten Hulanda a reserva un montante di maximal 33 miyon euro. Den total Hulanda a reserva 150 miyon euro pa inversion den drechamento di red di corriente riba e tres paisnan. E drechamento di red ta necesario pa e islanan por haci mas uso di energia duradero for di biento y solo. Segun Schoof: “Hulanda ta inverti activo den programa di transicion di energia. Cu un red cu mas capacidad, Corsou por haci e cambio mas facil na mas energia duradero di biento y solo. Esaki lo contribui na energia mas limpi, mas cuponan di trabou y mas bienestar den e pais.”
Pasashi for di Corsou ta aumenta otro aña debi na aumento di tarifa APIS
WILLEMSTAD – Pasaheronan cu ta sali for di aeropuerto di Corsou lo paga 2,79 dollar di tarifa APIS cuminsando prome di januari di aña 2026. E tarifa ta subi cu cinco cent y lo wordo cobra via e aeroliña den e prijs di e pasashi.
Gobierno di Corsou ta duna ex gobernador Lucille George-Wout un estatua
WILLEMSTAD – Un artista local ta bai disena un homenahe permanente pa ex gobernador Lucille George-Wout. E obra di arte lo wordo coloca den centro di Willemstad. Esaki a wordo anuncia door premier Gilbert Pisas durante un cena di despedida dia bierna pasa den The Cathedral of Thorns. E homenahe aki mester simbolisa e diesdos aña di servicio di e gobernador y su conexion cu e conseho di ministro, e Reino y mas importantemente cu e comunidad di Corsou.
Follow NoticiaCla
