- Huez-comisario a prolonga e detencion di pelotero yiu di Corsou Jonathan Schoop
- Avion di American Airlines a bati alarma diabierna na Aruba
- Durante reunion di e Hof a tuma desicion tocante propuesta pa President nobo di Hof
- SEPPA ta exigi pa Gobierno cumpli cu loke a wordo palabra cu Arubus
- Polis a detene dos menor di edad pa bringamento durante parada escolar
Iberostar na Aruba por contrata bo riba mesun dia di nan proximo Job Fair
(ADVERTORIAL)
ORANJESTAD – Iberostar Hotels & Resorts, cu ta consisti di JOIA Aruba by Iberostar y Tierra del Sol Golf Course by Iberostar, ta anuncia su Job Fair cu lo tuma lugar Diahuebs, 9 di October 2025, for di 10:00 AM te 4:00 PM na JOIA Aruba by Iberostar, na Eagle Beach. E evento unico aki ta duna aplicantenan un oportunidad unico pa wordo contrata riba e mesun dia. Tin hopi posicion disponibel den diferente departamento. Iberostar ta buscando profesionalnan cu pasion y talentoso cu kier desaroya un carrera den e industria di hospitalidad.
Departamentonan cu tin posicion nan habri na JOIA Aruba by Iberostar y Tierra del Sol Golf Course by Iberostar ta: Food & Beverage (mesero, hostess, supervisor di restaurant, sommelier, barista); Kitchen (supervisor di pastry, chef di restaurant, cook 1, cook 2, pastry cook, butcher, chef d'partie, steward); Front Office (supervisor di front of the house, agent & runner, concierge); Housekeeping (room attendants, public area attendants, houseperson); Spa (spa therapist) and Tierra del Sol Golf Course by Iberostar: Spa receptionist, all around server, beverage cart attendant.
E Job Fair lo tin tres area principal: "Ready, Set & Hired".
E area di "Ready" - lo ta na e entrada den e Foyer na unda cu aplicantenan por bishita diferente exhibicion nan, conoce e representante nan di e departamento y haya informacion di e posicion nan habri. Pa esunan cu ta interesa y a trese e documentonan necesario por pasa den nos ballroom - area di "Set" na unda e hefe nan di e departamento di Iberostar lo tene e entrevistanan. Pa esunan cu ta cumpli cu tur e puntonan y cu a pasa un entrevista exitoso, ta haja e oportunidad pa pasa den e area di "Hired"- na unda e team di Recurso Humano lo ricibi nan pa e parti di oferta y acuerdo laboral.
Ta pidi pa e aplicantenan bin prepara y profesional, cu:
Un curiculo actualisa
Un ID valido (paspoort, rijbewijs of cedula)
Un permiso di trabou valido (si ta aplica)
Un Health Card valido (carchi berde) pa puesto den F&B y Cushina
Dos referencia minimo pa contacto
Detaye di Evento
Location: JOIA Aruba by Iberostar – Eagle Beach
Date: Diabierna, 9 di October 2025
Ora: 10:00 AM – 4:00 PM
Pa mas informacion tocante e Job Fair, por sigui Iberostar Careers Aruba riba Facebook y Instagram.
SEPPA ta exigi pa Gobierno cumpli cu loke a wordo palabra cu Arubus
ORANJESTAD - Situacion di trahadornan Arubus NV ta keda empeora, esaki apesar cu e ex-Minister U.Arends den nomber di gobierno di Aruba y como representante di e doño di e compania di pueblo a compromete di pone e fondonan disponibel pa resolve e problema (nan) di e trahadornan. Esaki no a sosode!!. Pero e Minister actual tampoco a hasi nada apesar di su tanto promesanan tambe. Popchinan den gobierno por wel di cambia pero e compromiso tey caba. Na 2025, atrobe gobierno no a pone placa. Muestra cu simplemente, no a y tampoco kier cumpli ! Asina e sindicato SEPPA ta informa diabierna.
Republica Dominicana y Aruba ta lidera e caminda: E Top 4 mihor destinonan di Caribe
MIAMI - Caribe ta sigui consolida su posicion como un di e regionnan preferi pa bishitantenan Chileno, cu su beachnan di awa cla, conectividad aereo y oferta orienta na relaxacion. Asina e portal travel2latam.com ta publica awe den un articulo. Segun e portal, Februari historicamente ta e luna cu mas bishita pa bishitantenan Chileno. Den pleno verano di Hemisferio Sur, Caribe ta un di e destinonan mas popular pa hui di calor, atrae pa su beachnan di santo blanco, awa turquesa y infrastructura turistico bon desaroya, diseña pa descanso. Segun Assist Card, un compania lider den asistencia di biahe cu mas di cinco decada di experiencia, cuatro destinonan di Caribe ta e mas popular entre Chileno durante e temporada di verano.
Analisis: Isla di concierto of turismo di balor mas halto: Cua vision ta sirbi Aruba mehor?
Segun Departamento di impuesto, plach'i di number nobo a caba, pero a order mas
ORANJESTAD – Den e dianan aki Departamento di Impuesto no por registra vehiculonan di e contribuyentenan cu mester un number nobo. Esaki debi cu e reserva di plach'i number di categoria A, MFA, DT y O, a caba. E demanda pa number nobo ta halto, locual ta causa cu no por haci registracion nobo di vehiculo. Den luna di september y december 2025 a ordo 1.500 number (3.000 plachi) extra y tur a caba. Departamento di Impuesto ya a inicia e proceso pa ordo mas plach’i number y esaki ta canando. Dentro di poco lo anuncia ora cu e plachinan di number ta disponibel pa asina e automobilistanan y motociclistanan cu ta wardando por haya nan plachinan mesora.
Nos Monarcanan di eventonan di SMAC a ricibi nan premio di SETAR
Mas di 14 mil tonelada di producto venezolano exporta pa islanan ABC na 2025
FALCON - Mas di 14 mil tonelada di productonan Venezolano a wordo exporta for di estado Falcon, Venezuela, pa Aruba, Corsou y Bonaire durante aña 2025, consolidando e Caribe Hulandes como e destino principal di comercio exterior regional. Segun autoridadnan di Falcon, e islanan aki a concentra 72 porciento di e exportacionnan no petrolero. E secretario chavista di Economia y Exportacion di Falcon, Antonio Molina, a destaca cu e progreso aki a wordo haci posible danki na un mihor articulacion entre institucionnan publico y priva. Di mes forma, el a confirma cu e Ministerio chavista di Comercio Exterior a aproba e simplificacion di tramitenan, paralelo cu un ley cu actualmente ta wordo discuti den e Asamblea Nacional. E funcionario regional a informa cu nan ta tramitando un bishita na Aruba y Corsou pa plantea mehoracion cu lo facilita e trabou di marinonan Venezolano cu ta cubri e ruta, tocante su estadia riba e islanan bisiña mientras nan ta haci e benta di productonan den nan hafnan.
Follow NoticiaCla
