- Peaton ta bira di 5 morto di trafico pa 2026
- Rotonde di Noord awor ta carga e nomber “Rotonde Ovito Tromp”
- Iran: Estrecho di Hormuz ta habri pa nabegacion comercial
- Sybrand Buma di CDA ta vicepresidente nobo di Raad van State
- Stephany Sevinger riba sentencia di su tata Benny : “E ta un dolor cu mi no ta desea pa niun hende”
Hulanda tin minister nobo pa Relacionnan den Reino
ORANJESTAD / DEN HAAG - Frank Rijkaart ta e minister nobo encarga cu Asuntonan Interno y Relacionnan den Reino. Esaki e partido politico BBB ("Boer Burger Beweging") a anuncia. Eddie van Marum tambe di BBB ta keda secretario di estado pa Relacionnan den Reino.
Despues cu e gobierno demicionario di Hulanda a bolbe cai na momento cu partido NSC ("Nieuw Sociaal Contract") tambe a sali for di e coalicion, partidonan VVD y BBB mester a yena tur e puestonan di mandatario cu a habri. Esaki ta nesesario mirando cu eleccion ta tuma luga te dia 29 di oktober y cu proceconan di formacion na Hulanda ultimo tempu ta dura bastante largo.
Rijkaart ta reemplasa Judith Uitermark cu tabata minister pa NSC. Rijkaart den pasado tabata un militar di profesion y despues a traha como polis. Despues el a drenta politica y te cu recien tabata diputado pa provincia di "Zuid Holland" encarga entre otro agricultura y nitrogeno.
"Mi ta considera e peticion pa mi bira minister como un responsabilidad grandi", Rijkaart a declara. "Pesei mi ta dal e paso aki, cu apresio pa tur loke nos a logra hunto y cu confianza den tur loke ta nos dilanti. Lo mi sinti falta di tur e hendenan cu mi a topa te ainda y a crea un lazo cune, pero mi ta convence cu lo mi sigui topa cu hopi di nan den futuro."
Partner di coalicion na nivel provincial, CDA no ta muchu contento cu e desishon di Rijkaart pa asumi e funcion di minister. Lider di fraccion di CDA den Staten provincial di "Zuid Holland", Michel Rogier ta bisa cu e ta hopi desapunta. E ta mustra cu Rijkaart tabata responsabel pa algun tema pisa y cu e trabou no ta cla ainda.
"Nos a aproba algun plan bunita, pero awor e ta baha bay. Mi no ta contento cu e situacion aki." BBB a bisa cu pronto e partido lo presenta cu un candidato pa remplasa Rijkaart como diputado. Otro partidonan den Staten tambe ta hasi un apelacion riba BBB pa hasi lihe cu nan candidato nobo. "Nos mester cumpli cu promesanan cu nos a hasi", Sinan Ozkaya (GroenLinks-PvdA) ta bisa.
Uitermark mes a tuma e responsabilidad di minister di Asuntonan Interno y Relacionnan den Reino despues cu partido PVV como prome partner a bandona e coalicion y ocasiona cu gobierno hulandes a cai. Un di e declaracionnan di e ex minister pa NCS den parlamento hulandes cu mas a hala atencion ta ora el a bisa cu e maneho financiero di Corsou, Aruba y St. Maarten ainda no ta na ordo. "Apesar cu ta traha a base di proyecto y estructural riba mehoracion, tasina cu tin retraso den mayoria di e proyectonan. Causa di e retrasonan aki ta principalmente debi na falta di capacidad pa banda di e trabounan regular ehecuta e diferente trayectonan di mehoracion", Uitermark a declara.
Sybrand Buma di CDA ta vicepresidente nobo di Raad van State
DEN HAAG - Sybrand Buma lo bira e vicepresidente nobo di Raad van State. Esaki a wordo anuncia pa Rob Jetten durante su conferencia di prensa seminal diabierna. Buma lo sigui Thom de Graaf, kende lo laga su puesto e aña aki. Raad van State ta e organo cu ta duna conseho na gobierno y Parlamento. Tambe e ta e huez administrativo mas halto di pais. Segun Constitucion, Rey ta e presidente, pero vicepresidente ta encarga cu maneho diario. Buma (60) awor ta ainda alcalde di Leeuwarden. E tabata lider di fraccion di CDA den Tweede Kamer entre 2010 y 2019. Durante formacion di gobierno mas recien, Buma a actua como informador.
Gobierno hulandes teme pasashi di avion mas caro si nan bende parti den trafico aereo Caribe
DEN HAAG – Gobierno di Hulanda ta teme cu pasashi di avion pa e parti caribeño di Reino lo bira mas caro si Hulanda bende su parti den proveedor di servicio di trafico aereo DC-ANSP. P’esei, gabinete a dicidi pa keda accionista pa awor, segun cu minister di Infraestructura y Awa a comunica na Tweede Kamer. Motibo pa esaki ta un evaluacion di interes di estado, unda a conclui cu tin accionista no ta estrictamente necesario pa proteha interes publico. Segun investigadornan, seguridad di trafico aereo ya ta bon regula via regla internacional y supervision, p’esei influencia adicional via accionista en principio no ta necesario. DC-ANSP ta encarga cu guia di trafico aereo ariba entre otro Curaçao y Bonaire. Hulanda ta posee desde reforma estatal di 2010 un parti di 7,95 porshento. Evaluacion ta indica cu no tin impedimento legal ni practico pa bende e parti aki na otro accionistanan, Curaçao y Sint Maarten. Tambe ta sali na cla cu influencia di Hulanda ta limita: cu un parti minoritario, Den Haag no por forsa decision decisivo.
Pieters (PPA) na Den Haag: Autonomia di Aruba no ta negociabel, HOFA ta amenaza Status Aparte
ORANJESTAD/ DEN HAAG - Fraccion di PPA a biaha pa Hulanda pa un serie di reunionnan strategico na Den Haag, cu meta principal pa defende e Status Aparte di Aruba y discuti e propuesta di Rijkswet HOFA.
Debatenan den Tweede Kamer na Hulanda suspendi pa welga di ambtenaarnan
DEN HAAG - Tur debate y actividad den Tweede Kamer lo wordo cancela diaranson pa motibo di un welga di funcionario publico. Presidente di Tweede Kamer, Thom van Campen, a indica cu lo no tin suficiente personal pa mantene e camara funcionando.
Hulanda a permiti autonan Tesla core ‘nan so’ riba caminda
DEN HAAG - Funcionan nobo di auto di Tesla pa conduci automaticamente a ricibi aprobacion di RDW pa uso riba caminda publico na Hulanda. Esaki ta nifica cu chauffeurnan por guia sin tene man riba stuurwiel, algo cu ta un novum den Europa y cu expertonan ta yama un paso importante pero delicado.
Pareha Real ta cuminsa biahe hopi discuti na Merca, cu estadia serca Trump den Casa Blanco
WASHINGTON - Tabatin hopi discusion riba esaki den talkshow-nan, carta di lector den corantnan, y hasta un peticion pa no sigui cu e plan: E estadia di rey Willem-Alexander y reina Máxima den Casa Blanco. Diadomingo atardi e pareja Real lo yega na Philadelphia, unda nan bishita di tres dia na Estados Unidos lo cuminsa oficialmente mañan. Mañan anochi nan ta bishita di presidente Donald Trump.
Follow NoticiaCla
