- Peaton ta bira di 5 morto di trafico pa 2026
- Rotonde di Noord awor ta carga e nomber “Rotonde Ovito Tromp”
- Iran: Estrecho di Hormuz ta habri pa nabegacion comercial
- Sybrand Buma di CDA ta vicepresidente nobo di Raad van State
- Stephany Sevinger riba sentencia di su tata Benny : “E ta un dolor cu mi no ta desea pa niun hende”
Peru ta autorisa biahe di ex parlamentario Fujimori pa Aruba apesar di castigo suspende
LIMA - E Poder Hudicial di Peru a autorisa yiu di ex presidente Alberto Fujimori, ex parlamentario Kenji Fujimori pa biaha pa Aruba, for di 2 te 6 di september 2025. E permiso aki a wordo duna pa juez supremo Juan Carlos Checkley, cu ta na cargo di e Juzga Supremo di Investigacion Preparatorio. E desicion a wordo tuma apesar cu Fujimori ta cumpli actualmente un castigo suspende di cuater aña i seis luna pa e caso conoci como “Mamanivideos”.
PA CUA KENJI FUJIMORI A PIDI PERMISO PA BIAHA?
E abogadonan a presenta e peticion dia 7 di augustus. Nan a bisa cu e biahe tin como meta “fortalece e lazo matrimonial di Kenji Fujimori cu su esposa Erika Viviana Muñoz Regis, pasobra nan no a tin hopi oportunidat pa biaha den famia”. E peticion tambe a bisa cu e biahe lo yuda pa “crea contenido pa su emprendemento digital yamá ‘Tampoco Tampodcast’”, plataforma cu, segun Fujimori, “a permiti e gana suficiente pa paga e reparacion civil”.
CUA TABATA E OPINION DI FISCALIA?
Dia 25 di augustus, e Segunda Fiscalia Suprema Transitorio Especialisa den delitonan haci pa funsionarinan publico a bisa cu nan no ta opone cu e peticion di biahe. Despues di es, juez Checkley a evalua e peticion i a declara cu e ta “razonabel” i “procedente”.
CUA CONDICIONNAN A WORDO PONE?
E permiso ta permiti biahe solamente entre 2 i 6 di september 2025. E documento ta bisa: “Autorisa e biahe internacional di e sentencia Kenji Fujimori for di cuidad Lima, Peru, pa Aruba, den Reino di Hulanda, for di 02 te 06 di september 2025. E mester bolbe na cuidad Lima, Peru, na fecha estipula i reporta e bolbida na e juzga.”
CUA REGLA DI CONDUCTA FUJIMORI MESTER CUMPLI?
E juez a aclara cu e permiso no ta eksenta e di e regla di conducta impone pa e Sala Penal Permanente di Corte Suprema. Fujimori mester bolbe na Lima na fecha estipula i reporta e bolbida inmediato.
CUA TABATA E “MAMANIVIDEOS”?
Den 2018, Kenji Fujimori tabata lider di un grupo disidente den partido Fuerza Popular. Durante un debate pa e di dos motcion di vacancia contra Pedro Pablo Kuczynski, Fujimori a oferci na parlamentario Moisés Mamani beneficionan relacona cu proyecto den su region.
Mamani a grava e conversacionnan i a publica nan, cu a bira e inicio di e caso conoci como “Mamanivideos”.
CUA TABATA E CASTIGO CONTRA KENJI FUJIMORI?
E ex-parlamentario a wordo sentencia cuater aña i seis luna di prision suspende i 18 luna di prohibicion pa tene funshon publico. E sentencia a wordo dicta pa e delito di trafico di influencia contra e Estado.
CUA TA E SIGNIFICADO DI E PERMISO AKI PA FUJIMORI?
E resolucion hudiçal ta permiti Kenji Fujimori sali temporalmente for di pais pa un biahe familiar i laboral, cu e condicion cu e mester reporta su bolbida inmediato na autoridadnan hudiçal.
Asina, e ex-parlamentario lo por biaha Aruba den marco di su castigo suspende, bou di advertencia cu e mester cumpli estrictamente cu e regla di conducta impone pa Corte Suprema.
Iran: Estrecho di Hormuz ta habri pa nabegacion comercial
TEHRAN - E minister di Asuntonan Exterior di Iran, Abbas Araghchi, a anuncia cu e Estrecho di Hormuz lo habri pa nabegacion comercial. Segun Araghchi, Iran a tuma e desicion aki paso cu a logra un alto di fuego temporal entre Libano y Israel. “Den linea cu e alto di fuego na Libano, paso di barconan comercial ta completamente habri pa e periodo restante di e acuerdo,” Araghchi a scirbi. For di su mensahe riba X, no ta completamente cla si e ta referi na e alto di fuego entre Merca y Iran, cu ta termina 21 di april, of na e acuerdo entre Israel y Libano, cu a cuminsa anochi y ta dura dies dia. Despues cu e minister a publica su mensahe, prijs di petroleo a baha cu 10 porciento. Ainda no ta cla kiko e anuncio di Iran ta significa pa e blokeo maritimo di e Estrecho di Hormuz cu Marina di Merca a implementa. E presidente di Merca tambe a reacciona riba e noticia via su plataforma Truth Social.
IMF y Banco Mundial ta reanuda cooperacion cu Venezuela despues di 7 aña
WASHINGTON - E International Monetary Fund (IMF) y World Bank lo cuminsa traha atrobe cu Venezuela despues di 7 aña sin relacion oficial. E cooperacion a wordo para na 2019 paso hopi pais no a reconoce gobierno di Nicolás Maduro.
Funcionario di gobierno argentino envolvi den escandalo pa biahenan haci pa Aruba
BUENOS AIRES - Autoridadnan huridico na Argentina a confirma cu funcionario Manuel Adorni a viaha na Aruba hunto cu su casa y dos yiu, unda segun informacion oficial, tur pasashi a wordo paga cash pa un balor di 1.450 dolar cada un. E informacion aki ta forma parti di un investigacion mas amplio conduci pa fiscal Gerardo Pollicita.
Rey Willem-Alexander ta enfatisa balor di partner den encuentro cu Trump na Cas Blanco
WASHINGTON – Willem-Alexander y Máxima, hunto cu prome minister hulandes Rob Jetten, a cena na White House cu presidente americano Donald Trump dialuna anochi. E cena di tres plato a dura mas largo cu lo tabata spera y e pareha real tambe a keda drumi aya.
Phil Collins, Queen Latifah y Billy Idol entre esnan cu lo drenta Salon di fama di Rock & Roll
NEW YORK - Phil Collins, Iron Maiden, Billy Idol, Queen Latifah, Oasis, Sade y Joy Division / New Order lo wordo inclui den Rock & Roll Hall of Fame, hunto cu nominadonan pa prome biaha Wu-Tang Clan y e falleci Luther Vandross.
Hulanda ta elimina stempel di paspoort, Corsou y Aruba ta keda cu propio sistema digital di frontera
DEN HAAG – Paspoortstempel (stempel cu ta pone den pasaporte) lo disparce na postnan di frontera di Hulanda den Europa, pero den Caribe den Reino un sistema similar ainda no ta aplicabel. Mientras Europa ta cambiando pa un solo sistema digital, islanan manera Corsou y Aruba ya a traha cu propio solucionnan, sin conexion cu sistema europeo nobo. Den Europa, e stempel tradicional ta wordo reemplasa pa Entry/Exit System (EES), un databank unda movemento di viajero no-EU ta wordo registra digitalmente, incluyendo dato biometrico manera hueya di dede y scan di cara. E sistema aki ta aplica solamente pa area Schengen, no pa Caribe den Reino. Na Corsou, digitalisacion di frontera a cuminsa tempo pasa. Biaheronan mester yena un carta di inmigracion digital (DI Card) prome, cu a reemplasa e formulario di papel. Datos ta wordo procesa di antemano pa agilisa entrada.
Follow NoticiaCla
