- Turista ta accidenta cu UTV na Black Stone beach y fayece
- Huez a trata caso di prohicion di e-steps riba caminda publico, den corte
- Crucero cu parada na Aruba a reporta mas di 110 caso di norovirus
- Homber a cancela biahe pa Aruba di ex socio y ta arresta pa robo di identidad
- Quota International of Aruba ta entrega donacion na fundacionnan local
Verstappen mes a confirma: E ta core pa Red Bull Racing otro aña
BUDAPEST - Max Verstappen definitivamente lo ta core pa Red Bull Racing otro aña. E hulandes a confirma esaki na prensa na Budapest diahuebs, unda e pilotonan lo ta competiendo den e GP (Grand Prix) di Hungria e fin di siman aki.
"Ta tempo pa pone un fin na tur e rumornan. Semper tabata completamente cla pa mi cu mi lo keda", el a bisa den e autocaravana na Hungaroring. “Esei tambe tabata e sintimento di tur hende den e team, pasobra semper nos tabata papia tocante kico nos por a mehora riba e auto. Y si bo no kier keda, bo ta stop di papia tocante e tipo di cosnan ey. Y nunka mi no a hacie.”
Na cuminsamento di e siman aki, Helmut Marko ya a anuncia cu e hulandes, cu tin un contrato ku Red Bull te 2028, tambe lo ta core pa e team britanico otro aña, pero awor Verstappen mes a papia tocante esaki.
Den e ultimo lunanan, tabatin hopi rumor riba un posibel traspaso pa e coredohulandes pa Mercedes. E echo cu George Russell y Kimi Antonelli ainda no a firma contractnan nobo cu Mercedes a alimenta e rumornan.
La Leyenda Island Series 2026 ta trece un evento internacional di ciclismo na Aruba
ORANJESTAD - Riba diaranson 6 di mei, a firma e contract oficial entre La Leyenda Island Series y Aruba Tourism Authority (A.T.A.), marcando un paso importante den e preparacion y ehecucion di e prome edicion di La Leyenda Island Series Aruba. Entre e representantenan presente tabata Ronella Croes, CEO di Aruba Tourism Authority, hunto cu demas representantenan di A.T.A., Brian Patrick Murphy O’Neill di La Leyenda Island Series y Jeanuar de Palm di The Caribbean Trail Legends Foundation y demas representantenan.
Registracion pa Aruba Bank Walk & Run 2026 ta diahuebs
ORANJESTAD - Registracion pa e 20 edicion di Aruba Bank Walk & Run 2026 ta habri diahuebs 7 di mei pa 6or di atardi via e sistema online. Participantenan por registra via website di Aruba Bank, social media of Aruba Bank Walk & Run App.
Un total di 42 scol a participa den Weganan Escolar 2026
ORANJESTAD - Durante dos siman, alumnonan di scol preparatorio, basico y avansa a participa den Weganan Escolar 2026, un competencia deportivo organiza pa promove deporte, amistad y positivismo entre hoben na Aruba.
Despues di un pausa forza, careda di Formula Uno ta bek na Miami e weekend aki
MIAMI - Formula 1 ta bolbe den accion despues di un pausa forsa di cinco siman, causa pa e conflicto den Iran cu a laga cancela GP di Bahrein y Saudi-Arabië. E temporada ta sigui e fin di siman aki na Miami, cu un “fresh start” parcial gracias na regla nobo y auto mehora.
Seleccion di Aruba Mustang 9U a sali campeon di e torneo na Costa Rica
ORANJESTAD - E Team Aruba Mustang 9U cu a biaha pa Costa Rica dia 22 pa 28 di april pa representa Aruba na e campeonato di Pony Mustang 9U Premundial, ta bolbe bek cu e copa di Campeon Serie del Cariba Mustang 9U. Cu e triunfo aki e ekipo a gana su puesto den e Mundial di Pony League 9U na California na juli venidero; ambos ta competencianan internacional importante cu ta ofrece atletanan hoben e oportunidad pa competi na un nivel halto, mientras ta promove intercambio cultural, teamwork, y desaroyo personal.
Kenley Jansen, pelotero di Corsou,a subi pa top 3 di saves den historia di MLB
DETROIT/ WILLEMSTAD – Pelotero Kenley Jansen di Corsou a alcanza un logro historico den Major League Baseball (MLB), ora cu el a subi pa e di tres luga den lista di tur tempo cu mas “saves”. Awor e ta para su so na e posicion aki cu 479 saves, despues cu el a pasa Lee Smith.
Follow NoticiaCla
