Seleccion di Pony 8U ta cla pa torneo na Merca

Posted on 07/4/2025 9:39 am AST | Updated on 07/4/2025 9:39 am AST

ORANJESTAD - Diamars y diaranson, 8 y 9 di juli, 2 team di seleccion di Pony 8U ta biaha pa Marion Illinois pa representa Aruba na USA den e torneo 2025 Pinto 8U International Baseball Classic. E 10 peloteronan di U8 di Team Oranjestad, di grandi te chikito, ta: Nathan Maduro, Osdin Croes, Gerzion Gonzalez, Liam Ruiz, Rushen Faria, Omaric Andrade, Zhaèr Thompson, Eduard Flanegin, Aiden Rodriguez, y Axl Wester. E manager di e ekipo aki Edgar Flanegin, hunto cu coachnan Jair Thompson, Arsan Wester, y Imro Gonzalez, lo lucha pa hiba nos muchanan te final. Nos ta desea e atletanan y coachnan hopi exito den exterior.

Team Oranjestad 8U ta biaha e siman aki pa Merca
ORANJESTAD - Diamars y diaranson, 8 y 9 di juli, hungadornan di 2 team di seleccion di Pony 8U ta biaha pa Marion Illinois pa representa Aruba na Merca den e torneo 2025 Pinto 8U International Baseball Classic. No ta e prome biaha cu ekiponan di Aruba ta bai participa na e torneo aki di 8U Coach Pitch.
Mas Deporte
Lesa Mas
Aruba ta topa Corsou awe despues di a gana Cuba den LLCS na Corsou
WILLEMSTAD - Aruba a gana nan di dos wega den e Little League Caribbean Series na Corsou, segun e portal di deporte 297 Sports. E portal ta raporta cu Aruba a derota Cuba cu e score di 5 - 3. Awor Aruba tin 2 gana y 0 perdi. Awe Aruba lo tin un wega crucial contra di Corsou Pariba. “Un victoria Aruba lo ta prome den su poule y lo hunga e semi-final” 297 Sports ta raporta. Informacion y potret cortesia di 297 Sports.
Mas Deporte
Lesa Mas
Denzel Dumfries ta na Aruba y a haci donacion di 60 bala di futbol profesional na AVB
ORANJESTAD – E astro di futbol internacional, Denzel Dumfries a anuncia cu e lo haci un donacion di mas o menos 60 bala di futbol profesional di Adidas na AVB (Arubaanse Voetbal Bond) pa sostene e clubnan local. E strea internacional di futbol, cu tin rais Rubiano, ta riba su One Happy Island riba invitacion di ATA, despues di forma parti di e Copa Mundial di Club di FIFA 2025 cu Inter Milan.
Mas Deporte
Lesa Mas
Comite Olimpico Arubano ta conoce un directiva nobo pa 2025-2028
ORANJESTAD - Diasabra ultimo durante asamblea general di Comite Olimpico Arubano a trata varios punto di agenda manera ta stipula den e statutonan di e asocacion. Entre otro a trata e actualisacion di e statutonan di COA cu a wordo aproba door di e federacionnan miembro y a ser manda pa Comite Olimpico Internacional pa asina percura cu ta cumpli cu tur rekisito na nivel internacional. Ademas di esaki, a trata e relato anual 2024, unda a presenta e relato financiero y e relato di actividad cual ta splica tur cos cu COA a experiencia aña pasa. Importante pa remarca cu e relato financiero a wordo presenta door di Zarina Trimon di BDO, cu ta e compania di contabilidad di contabilidad cu ta traha riba e relato financiero. Esaki tambe a haya un aprobacion unanimo di tur federacionnan miembro presente.
Mas Deporte
Lesa Mas
David Abdul di Aruba nombra como FIFA Regional Technical Consultant
ORANJESTAD - Arubaanse Voetbal Bond (AVB) a informa dialuna mainta cu señor David Abdul a wordo oficialmente nombra como Regional Technical Consultant di FIFA. Esaki sigur ta un logro grandi pa e mes, pero tambe pa Aruba henter, y ta mustra e progreso cu AVB y nos comunidad di futbol a logra huntu den desaroyo di futbol y tambe ta mustra e confiansa cu FIFA tin den e desaroyo di futbol aki na Aruba.
Mas Deporte
Lesa Mas
International Aruba Regatta 2025 ta cla pa ranca sali
ORANJESTAD - E Aruba International Regatta 2025, cual lo bira e di diescinco edicion, lo inicia riba 27 di juni 2025, cu registracion habri, musica, snacks, na e beach banda di Naptaly Henriquez Park, Oranjestad. E bar lo ta habri pa nabegadonan y spectadornan registra, topa cu otro, gara nan gear anto experiencia e ambiente unico di e comunidad di nabegacion.
Mas Deporte
Lesa Mas