- Aruba ta conta riba crecemento modera den añanan cu ta bini
- Surnam mas cerca di mundial WK 2026 despues di un amplio victoria riba El Salvador
- Hulanda por perde Dumfries contra Polonia, Koeman: ‘Awe nochi lo mi tuma desicion’
- Corsou a ‘crush’ Bermuda 7-0 y ta un wega leu di bay Mundial Futbol 2026
- E portavion mas grandi di mundo cu 4 mil militar, ta cla pa actua den Caribe!
OM: No ta confirma ni nenga cu Mike de Meza ta sospechoso di husticia
ORANJESTAD – Ministerio Publico di Aruba no kier a ni confirma ni desmenti cu candidato pa minister ir. Mike de Meza ta un sospechoso pa e departamento. Riba pregunta di Noticiacla dialuna mainta, e vocero a bisa di lo no duna informacion. “OM no ta bay duna ningun reaccion riba e pregunta aki”, e vocero a bisa Noticiacla dialuna. E pregunta tabata si ‘enberdad de Meza awor ta un sospechoso di Ministerio Publico. “Ni confirma, ni nenga. Geen comentaar” tabata e siguiente comentario. Pues, for di e banda ey, no lo tende nada (por lo pronto).
USUAL?
Noticiacla a busca contacto dialuna cu Ministerio Publico riba e tema, mirando cu un dia prome, abogado di de Meza, mr Desiree Croes a sigura cu nan a haya notificacion di OM, cu e cliente de Meza awor ta sospechoso di husticia den un investigacion penal. Y como cu Ministerio Publico no a emiti ningun comunicado, (cos cu nan ta haci si normaal ora cu tin un caso di atencion high profile) pa confirma of clarifica e declaracion di e abogado. Bisando esaki, no tin motibo di duda den e palabra di e abogado, pero semper ta busca tur banda pa haya mas clarificacion. Y sigur mas claridad riba kico exactamente ta sospecha e parlamentario di AVP cu ta candidato pa bira minister. Esaki kier men cu tin cu warda un poco mas, pa wak kico nobo lo Sali for di e asunto aki.
DIADOMINGO
Tabata diadomingo anochi cu e abogado mr Croes a informa cu OM a informe cu su cliente ta un sospechoso, despues cu e director di departamento di impuesto Luenne Gomez a entrega un keho contra dje algun siman prome. Esaki a crea un situacion nobo den henter e proceso di nombracion di de Meza pa bira minister.
OM: A tene accion contra labamento di placa cu criptovaluta
ORANJESTAD - BFO (Bureau di Investigacion Financiero) di Cuerpo Policial di Aruba a realisa un accion dirigi, den cuadro di un investigacion financiero cu ta bin andando, cu ta hiba e nomberdi ‘Venkel’. E accion a tuma lugar den colaboracion estrecho cu otrodepartamentonan di Polis y cu RST (Recherchesamenwerkingsteam). A detene un total di cuatro sospechoso y a ristra dos cas y tres local comercial. Durante e accion, a confisca varios cargado di dato, cantidad nan grandi di placa cash y autonan. E sospechosonan ta wordo sospecha di a laba cantidad grandi di placa via criptovaluta.
Abogadonan Caribense por presenta caso digitalmente na Hoge Raad desde december
ORANJESTAD – Desde 1 di december, abogadonan y ciudadanonan den parti Caribense di Reino lo por presenta caso digitalmente pa procesonan na Hoge Raad. Pa esaki lo tin un metodo nobo pa logra drenta na sistema. Den casonan penal, solamente abogadonan y miembro designa di Ministerio Publico lo tin acceso. Sospechonan mes no por presenta caso digitalmente.= Den casonan di impuesto, ciudadanonan por eligi si nan kier presenta caso digitalmente of no. Pa empresa, gobierno, abogadonan y asesor fiscal, e manera digital ta obligatorio.
VIDEO: Corte Superior a condena muher pa castigo di 15 aña di prizon pa asesinato di Sergio Maduro
ORANJESTAD - Awe Corte Superior di Husticia a condena e muher J.R.G. pa un castigo di prison di 15 aña. G. ta wordo considera e instigador di e asesinato di Sergio Maduro riba 24 di december 2023 na Matividiri. Anteriormente hues den Prome Instancia a conden'e pa un castigo di 18 aña, contra cual el a bay den apelacion.
Corte ta pidi gobierno pa renoba politica di beach
Hof ta autorisa Banco Central di Aruba pa impone multa miyonario contra Pristine Estates
ORANJESTAD – Banco Central di Aruba (CBA) tin autoridad pa impone un multa di un miyon florin riba Pristine Estates N.V. pa motibo di posibel violacion di e Landsverordening pa preveni y combati labamento di placa y financiamiento di terrorismo. Asina Hof a determina den apelacion. Hof asina ta anula e sentencia anterior di e Corte di prome instancia, cu tabata opina cu Pristine den aña 2017 te 2019 ainda no tabata un servidor formal y por tanto no tabata cay bou e ley anti labamento di placa. E caso ta wordo manda bek na e Corte, cu awor tin cu duna un huicio di fondo tocante e multa di un miyon florin.
Abogado pa famia di victima Lanoy, ta contra cu polisnan envolvi ta cana liber
ORANJESTAD – Abogado pa e famia di Ayden Lanoy, cu a keda mortalmente tira pa dos agente policial e aña aki, Geert Hatzmann, ta contra cu ainda e polisnan envolvi, ta cana liber desde cu e caso a tuma lugar. E la splica su punto diabierna mainta durante e tratamento di e regie di e caso penal Caret diabierna.
Follow NoticiaCla
