- Croes: Cu e declaracion di OM, por confirma cu OM ta mas bruha un bol di hilo
- OM: No tin ningun persecucion andando contra Mike de Meza
- Merca ta reanuda e programa di visa di studiante, pero ta rekerí medionan social publico
- Corte: Otro siman ta dicidi den caso cu Mike de Meza a entama contra Ministerio Publico
- PAMAC Destination Summit: Aruba ta comprometi na e industria crucero
KPA: Beéle no a usa substancia illegal riba tarima durante Flip Flop Festival
ORANJESTAD – E artista colombiano Beéle cu diasabra anochi tabata den concierte durante e Flip Flop Festival, no a usa substancia illegal. Por lo menos, asina un comunicado di cuerpo policial dialuna a sigura. Segun Cuerpo Policial Aruba, nan a tuma nota di diferente post cu ta circulando riba rednan social pa loke ta trata e evento di Flip Flop cu a tuma lugar den Harbour Arena diasabra dia 7 juni.
ARTISTA BELEE
Ta trata di un potret na unda e artista Beéle lo ta tin un sigaria parecido na un substancia illegal (marijuana?) den su man durante cu e ta dunado su show.
INVESTIGACION
Di parti di Cuerpo Policial di biaha a haci un investigacion pa loke ta e hecho aki.Awe durante oranan di merdia hefe di Districto di Oranjestad compaña pa su personal como tambe hefe di departamento di comunicacion di KPA a sinta na mesa cu promotor di dicho evento.
PRODUCTO DI TABACO CU NO TA ILLEGAL
“Nos kier aclaria cu niun rato no tabata papia di un subtancia illegal. Ta trata di producto di tabaco” e comunicado di polis a sigura. E promotor a splica cu esaki ta parti di e artista su show. Nan como promotor sa di ley y reglanan cu tin y no lo a permiti esaki. A mustra esnan na mesa un comunicado tambe oficial di e manager di e artista na unda e ta pidi su disculpa y enfatisa cu nan ta reconoce cu como organisador di e evento nan tin un responsabilidad pa cu e publico y specialmente na e generacion nobo (hoben) cu ta sigi e artista encuestion.
PREPARACION PROME CU CONCIERTO
Di parti di Cuerpo Policial nos ta informa cu a sinta na mesa simannan prome cu e organisador y despues tambe tabata tin un di dos reunion cu e stakeholdersnan pa loke tabata e evento aki mirando e magnitud di hende cu e lo a trece e anochi di e concierto.
SUFICIENTE POLIS
Cuerpo Policial a percura pa tin suficiente polis uniforma durante e evento como tambe e parti di Mobile Commando.
Organisador a percura pa camaranan den diferente parti di e venue y na unda polis tabata tin acceso pa cu esaki. Di parti di e organisador tambe a pone suficiente security na diferente parti di e venue. E anochi a bay sin incidente pa loke ta trata e parti di orden publico y seguridad di cada un cu a bin presencia e concierto.
Cuerpo Policial Aruba ta enfatisa y recorda cu humamento di marihuana ta ilegal na Aruba. Articulo 4 di Landsverordening Verdovende Middelen.
Hefe di prensa di gobierno deteni despues di accidente di trafico, pa ta bou di influencia
ORANJESTAD – Hefe di prensa di gobierno, Marko Espinoza a keda deteni bou sospecho e siman aki despues di tabata envolvi den un accidente di trafico. E accidente a pone cu e auto a resulta den greppel (rooi). Noticiacla a compronde cu debi cu e tabata mustra di ta bou di influencia di alcohol, polis a pon'e blaas. A compronde di Espinoza, cu polis lo a dune opcion bay cas, pero e mes a opta pa keda, despues di cual a opta pa detene y cere den cel. Su manece e la recobra su libertad. E caso ta uno practicamente hermeticamente cera pa loke ta informacion, aunke cu por a confirma di parti di polis. Ademas a pidi un reaccion di Espinoza, cu a reacciona brevemente, cu e so tabata envovli den e accidente, pues cu ningun hende mas y ningun otro auto. NOTA: No a haya e version oficial di polis ainda riba e noticia. Noticia den proceso.
Grupo di 25 polis a keda re-certifica como sub fiscal
Polis a descubri plantacion grandi di marihuana durante entrada hudicial
ORANJESTAD - Diaranson den oranan di mainta Unit Narcotica conhuntamente cu Polis Uniforma di Santa Cruz a haci un entreda hudicial na un percela na Rooi Prikichi. Na dicho percela a bin topa cu un plantacion grandi di Marihuana y como tambe cantidad di droga den cas. A confisca e droganan y a haci dos detencion na dicho percela. Ta trata aki di e homber di inicial M.K. di 54 aña naci na Aruba y e muher M.L. di 51 aña naci na Aruba.
Peaton ta bira di cuater morto di trafico pa 2025
Cuerpo policial tin un grupo nobo di polis cu lo subi caya awor
MACUARIMA - Siman pasa e ultimo parti di e opleiding basico di klas 2021 a tuma lugar. Despues di 4 aña di a sigui estudio policial na nivel di MBO klas, awor Cuerpo Policial Aruba a haya un klas nobo pa subi caya oficialmente. Como e parti final di nan estudio policial klas 2021 a haci ehercicio pisa. No ta conoce con grandi e klas di polis aki ta.
Polis a haya bultonan di droga banda di Andicuri
Follow NoticiaCla
