- Croes: Cu e declaracion di OM, por confirma cu OM ta mas bruha un bol di hilo
- OM: No tin ningun persecucion andando contra Mike de Meza
- Merca ta reanuda e programa di visa di studiante, pero ta rekerí medionan social publico
- Corte: Otro siman ta dicidi den caso cu Mike de Meza a entama contra Ministerio Publico
- PAMAC Destination Summit: Aruba ta comprometi na e industria crucero
Wever: Lo evalua resultado di ‘Ban Bek Caya’ y wak si ta hacie algo mensual
ORANJESTAD – Mientras cu ta considera e evento organisa pa gabinete AVP-FUTURO, esta Ban Bek Caya, como un exito rotundo pa gobierno, no ta sigur cu e evento aki ta ripiti, y tampoco no sa den ki forma. Minister di economia Geoffrey Wever mientras cu e ta satisfecho di con e evento a desaroya, den un reaccion pa Noticiacla, a comenta cu lo tin cu evalua awor, cu demas partners, pa wak si ta haci e evento algo mensual. E tabata masha contento si di wak tanto hende asina na e evnto, unda cu tabata masha gezellig.
A CUMPRA COS?
E mandatario ta conciente cu no tur hende a bay pa ‘cumpra cos’, sino cu a bay pa topa y pasa bon. Tambe e sa cu no tur negoshi a bende. Eseu no ta kita afor cu mester cuminsa un caminda. Y awor lo evalua e exito, y dicidi con ta sigui aworaki pa dilanti. Si ta cambia e formato, si tin cosnan cu mester adapta of no. E decision ey tin cu cay awor. Por a compronde di otro gobernantenan, cu e intencion for di inicio, tabata pa haci esaki uno mensual, osea tur luna. Con y ki dia y den ki forma, tin cu wordo dicidi ainda. Gobierno mientrastanto, den nan propio comunicado ta bisa si cu ‘Cu hopi orguyo, Gobierno di Aruba por bisa cu e prome edicion di Ban Bek Caya tabata un exito rotundo, y ta ansioso pa e proximo edicion’.
GASTO
A mustra e mandatario riba e gastonan envolvi pa organisa e evento aki. Opositornan hopi lihe a bisa cu ta danki na e ‘surplus’ cu nan a laga atras, cu gobierno por gasta 100 pa 200 mil florin pa un evento asina. E mandataro a bisa di no sa exactamente cuanto e evento a costa y no por sigura e suma menciona. Ta un echo si, segun Wever, cu mester a gasta placa. Y ta normal cu ora cu bo kier haci algo asina, sea kico cu e ta, cu bo mester gasta placa. Pa genera algo, kico cu ta, mester gasta placa, pues esey ta e forma normal pa cualkier negoshi. Pues ta logico cu e no ta bay ta ‘pornada’.
E EVENTO MES
Diabierna anochi, Caya Grandi a bira e epicentro di alegria, union familiar y bida cultural durante e prome edicion di Ban Bek Caya. Ta bisa cu e evento a surpasa tur expectativa y a lansa un sentimento di speransa y renobacion pa nos caya principal.
Un multitud di hende, tanto local como turista, a yega pa disfruta di un anochi yena di alegria, cultura, entretenimento y compras na prijsnan special. Caya Grandi a haya bida manera den su tempo di gloria, cu famianan disfrutando, gosando y compartiendo momentonan hunto.
Sint Maarten ta gradici Aruba pa sosten rapido durante crisis na prison
ORANJESTAD - Den contexto di e Justitieel Vierlanden Overleg (JVO) cu ta tumando luga e siman aki na Aruba, Minister di Husticia di Sint Maarten, mr. Nathalie Tackling, a haci un bishita di introduccion y trabao na su colega Arubano, mr. drs. Arthur Dowers.
Wever na Parlamento: No ta premira un impacto negativo cu Aruba no por maneha
ORANJESTAD - Dialuna merdia Minister di Finansa mr. Geoffrey Wever a presenta den Parlamento di Aruba pa duna un actualisacion completo na Parlamento tocante e efectonan di e “trade war” mundial, incluso e tarifanan impone pa Estados Unidos recientemente, e desaroyonan geopolítico actual y e posibel impacto cu e desaroyonan aki por tin regionalmente y riba e economia di Aruba.
Aruba ta firma acuerdo di aviacion cu Suisa
ORANJESTAD - Recientemente un delegacion di Aruba a biaha pa Suisa caminda a topa cu Federal Office of Civil Aviation (FOCA). E meta di e biahe tabata pa concretisa acuerdo cu Departamento di Aviacion Civil di Aruba. E biahe a duna su resultado mirando cu a logra firma un acuerdo importante cu Suisa. Ta trata aki di un acuerdo bilateral di transporte aereo.
Dowers: Aruba ainda ta evalua uso di cedula pa biaha entre islanan di Caribe Hulandes
ORANJESTAD - Aruba ainda ta evaluando uso di cedula pa biaha entre islanan di Caribe Hulandes. Esaki ta un di e temanan discuti durante e Justicieel Vierlanden Overleg e siman aki na Aruba.
Dowers: A sigui cu Justicieel Overleg sin minister di Hulanda
ORANJESTAD - A pesar di e situacion actual na Hulanda cu a resulta den e caida di gobierno y e ausencia di su Minister di Husticia, Aruba ta sigui cu e proceso di colaboracion multilateral. Tur preparacion pa e Justitieel Overleg a sigui y lo culmina den un encuentro formal entre e tres Minister di Husticia presente, cu e proposito pa evalua puntonan pendiente y traha riba acuerdo di cooperacion structural. Den cuadro di e siman di Justitieel Vierlanden Overleg cu ta tuma luga e siman aki na Aruba, Minister di Husticia di Aruba, mr. drs. Arthur Dowers, a ricibi Minister di Husticia di Corsou, mr. Shalten Hato, pa un bishita di trabao oficial. E reunionnan ta parti di e esfuerso continuo pa fortalece cooperacion regional den area di husticia y siguridad den Reino Hulandes. Tin un lista largo di cosnan cu tin colaboracion riba dje, pero mester wak e efectividad di esakinan y si ta logra e metanan desea. Gobierno di Aruba ta duna balor na e tipo di dialogonan regional, cu ta contribui na desaroyo di un sistema di husticia mas fuerte, resiliente y efectivo pa tur ciudadano den Reino.
A.T.A. a duna Comision di Turismo di Parlamento, presentacion riba situacion di turismo
ORANJESTAD – Dia 16 di juni, e Comision di Turismo di Parlamento a tene un reunion cu CEO di Aruba Tourism Authority (A.T.A.), Sra. Ronella Croes, CFO Sr. Maas van Drie y Business Manager di A.T.A. Sra. Dyane Vis-Escalona, den cuadro di presentacion di e rapport anual di A.T.A. pa e aña 2024. E reunion aki tabata resultado di un peticion formal di e comision, cu a expresa deseo pa haya un presentacion directo di parti di A.T.A.
Follow NoticiaCla
